سپورت • 09 قازان، 2019

فۋتزال: چەمپيوندار ليگاسىندا «ايات» ۇتتى، «قايرات» ۇتىلدى

131 رەتكورسەتىلدى

وسى اپتادا قارت قۇرلىقتىڭ بىرقاتار مەملەكەتتەرىندە فۋتزالدان چەمپيوندار ليگاسىنىڭ نەگىزگى كەزەڭدىك باسەكەلەرى وتۋدە.

الماتىنىڭ «قايراتى» ۆەنگريانىڭ بەرەتتوۋيفالۋ قالاسىندا ونەر كورسەتۋدە. وسىعان دەيىن ايتۋلى جارىستا ەكى مارتە باس جۇلدەنى ولجالاپ، بىرنەشە رەت جۇلدەگەرلەر قاتارىنا قوسىلعان جەرلەستەرىمىز وسى توپتىڭ ءفاۆوريتى سانالعانىمەن، ءوزىنىڭ تۇساۋكەسەر كەزدەسۋىندە تىم سۇرەڭسىز وينادى. رەسەيدىڭ كپرف كلۋبىنا قارسى باسەكەدە قازاقستاندىق ۇجىم 0:3 ەسەبىمەن ۇتىلىپ، ءوز جانكۇيەرلەرىن جەرگە قاراتتى. بۇل ماتچتا سيمي سالوتتي (3 مينۋت)، ۆلاديمير رازۋمانوۆ (11 مينۋت) جانە يانار اسادوۆ (17 مينۋت) نىسانانى ءدال كوزدەدى. بۇگىن تۇندە ءبىزدىڭ جىگىتتەر يسپانيانىڭ «ەل-پاسوسىنا» قارسى ويناسا، اراعا ەكى كۇن سالىپ جارىس قوجايىندارىمەن كۇش سىناسادى.  

ليتۆانىڭ كاۋناس قالاسىنداعى ءوتىپ جاتقان دودادا رۋدنىيدىڭ «اياتى» اسا شيەلەنىستى باسەكەدە جەرگىلىكتى «ۆيتاستان» باسىم ءتۇستى. ەسەپ – 5:4. ءبىزدىڭ كوماندا ساپىندا ماتتەۋس پرەا (9، 25، 33 مينۋتتار) حەت-تريكتىڭ اۆتورى اتانسا، حەبەرت بولت (15 مينۋت) پەن ازات ۆاليۋلين (18 مينۋت) ءبىر-ءبىر رەتتەن مەرگەندىك تانىتتى. بۇگىن «ايات» يسپانيانىڭ «بارسەلوناسىمەن» ويناسا، 11 قازاندا رەسەيدىڭ «تيۋمەن» كلۋبىمەن كەزدەسەدى.   

سوڭعى جاڭالىقتار

ۇقساس جاڭالىقتار