قوعام • 09 قازان، 2019

اباي اتىنداعى ۋنيۆەرسيتەتتە «ىزگىلىك ەلشىسى» جوباسى ىسكە قوسىلدى

67 رەتكورسەتىلدى

اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىمەن بىرلەسكەن «ىزگىلىك ەلشىسى» جوباسىنىڭ تانىستىرىلىمى ءوتتى.

ايتۋلى شاراعا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ، سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باستىعى قايرات سۇنتاەۆ، ۋنيۆەرسيتەت فاكۋلتەتتەرىنىڭ باسشىلارى، «ىزگىلىك ەلشىسى» جوباسىنىڭ ەرىكتىلەرى قاتىستى.

رەكتور تاكير بالىقباەۆ «ىزگىلىك ەلشىسى» ازاماتتىق قوعامنىڭ بەلسەندىلىگىن ارتتىرىپ،  جاستاردى ەرىكتىلىككە تارتۋعا ىقپال ەتەتىن جوبا ەكەندىگىن اتاپ ءوتىپ، جوبا اياسىندا ۋنيۆەرسيتەت ەرىكتىلەرى كومەككە مۇقتاج جاندارعا، كوپ بالالى جانە از قامتاماسىز ەتىلگەن وتباسىلارعا، جالعىزباستى انالارعا، مۇمكىندىگى شەكتەۋلى بالالاردى تاربيەلەپ وتىرعان وتباسىلارىنا كومەك كورسەتۋدى باستاپ كەتتى دەدى. سونىڭ دالەلىندەي، جاستاردى مەيىرىمدىلىككە، قايىرىمدىلىققا شاقىراتىن جوبا اياسىندا 18 وتباسىنا كومەك كورسەتىلگەن.

ۋنيۆەرسيتەت ستۋدەنتتەرىنىڭ وسىنداي ىزگى ىستەرىنە العىسىن بىلدىرگەن قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ ستۋدەنت جاستارعا ساتتىلىك تىلەپ، مەملەكەتتىك ورگاندار مەن مەكەمەلەر قىزمەتىنىڭ اشىقتىعىن قامتاماسىز ەتۋ ماقساتىندا ەلىمىزدىڭ بارلىق ايماقتارىندا جۇزەگە اسىرىلادى دەگەن سەنىمىن بىلدىرسە، جوبانىڭ ۇيلەستىرۋشى اينۇر ءسابيتوۆا الداعى جوسپارلارى تۋرالى تانىستىرىپ، ەرىكتىلەردىڭ ەندىگى قادامدارى تۋرالى بايانداپ بەردى.

سوڭعى جاڭالىقتار

ۇقساس جاڭالىقتار