قازاقستان • 08 قازان، 2019

اندرەي كوستين قازاقستان باسشىلىعىمەن رەسپۋبليكادا ۆتب توبىنىڭ بيزنەسىن دامىتۋ تۋرالى كەلىستى

55 رەت كورسەتىلدى

مەملەكەت باسشىسى قاسىم-جومارت توقاەۆ «ۆتب بانكى» جاق (جاريا اكتسيونەرلىك  قوعامى) باسقارماسىنىڭ توراعاسى اندرەي كوستيندى قابىلداعان بولاتىن. 2019 جىلعى 7 قازاندا قازاقستانعا جاسالعان رەسمي ساپارى بارىسىندا ۆتب پرەزيدەنتى-باسقارما توراعاسى اندرەي كوستين رەسپۋبليكا پرەزيدەنتى قاسىم-جومارت توقاەۆپەن، پرەمەر-مينيستر اسقار مامينمەن، سونداي-اق قازاقستاننىڭ تۇڭعىش پرەزيدەنتى نۇرسۇلتان نازارباەۆپەن كەزدەستى. بۇل تۋرالى بانكتىڭ ءباسپاسوز قىزمەتى حابارلادى.

كەزدەسۋ بارىسىندا تاراپتار ۆتب توبىنىڭ كورپوراتيۆتىك-ينۆەستيتسيالىق بيزنەسىن دامىتۋ ءۇشىن ايتارلىقتاي الەۋەتكە يە ۆتب توبى مەن قازاقستاننىڭ ىنتىماقتاستىعىن كەڭەيتۋ تۋرالى كەلىستى.

قاسىم-جومارت توقاەۆ ۆتب-نىڭ قازاقستانداعى كاسىپكەرلىكتى قارجىلاندىرۋ جونىندەگى كۇش-جىگەرىنە قولداۋ ءبىلدىرىپ، بانك سەكتورىن دامىتۋدىڭ ەكى ەل مەن جالپى ەۋرازيالىق وداقتىڭ ينتەگراتسيالىق پروتسەستەرى ءۇشىن ماڭىزدىلىعىن اتاپ ءوتتى. اندرەي كوستين بيىلعى جىلى بانك قازاقستانداعى ونجىلدىعىن اتاپ وتەتىنىن، بيزنەستى ودان ءارى بەلسەندى دامىتۋدى جوسپارلاپ وتىرعانىن اتاپ ءوتتى.

قازاقستاننىڭ پرەمەر-ءمينيسترى اسقار مامينمەن كەزدەسۋ بارىسىندا ۆتب تاراپىنان قازاقستاندىق كومپانيالارعا قازىرگى كەزدە شامامەن $4 ملرد قۇرايتىن ۆتب كرەديتتىك قورجىنىن 2020 جىلدىڭ سوڭىنا قاراي $5-6 ملرد-قا دەيىن ۇلعايتۋ نيەتى ايتىلدى. بۇل ۆتب-نىڭ قازاقستان ەكونوميكاسىن دامىتۋ ءۇشىن نەگىزگى قارجى ينستيتۋتتارىنىڭ ءبىرى رەتىندەگى ءرولىن نىعايتادى. ۆتب توبىنىڭ قازاقستانداعى نەگىزگى ونىمدەرى كرەديت بەرۋ، تاۋار-شيكىزات نارىقتارىنداعى وپەراتسيالار جانە قارجىلىق كەڭەس بەرۋ بولىپ تابىلادى. ۆتب توبىنىڭ قازاقستانداعى باستى كليەنتتەرى – ەلدىڭ ۇلتتىق ەكونوميكاسىنىڭ نەگىزىن قۇرايتىن تاۋ-كەن ءوندىرۋ، ەلەكتر ەنەرگەتيكاسى جانە مۇناي-گاز سالالارىنداعى ءىرى كومپانيالار. ۆتب تەك كرەديتور عانا ەمەس، سونىمەن قاتار رەسەيدەگى قازاقستاندىق كومپانيالاردىڭ جوبالارىن دامىتۋ بويىنشا كەڭەسشى بولىپ تابىلادى.

تاراپتار كولىك جانە پوشتا ينفراقۇرىلىمىن دامىتۋ سالاسىنداعى ينفراقۇرىلىمدىق جوبالارعا ۆتب قاتىسۋى تۋرالى كەلىستى.

سونداي-اق ۆتب قازاقستان استاناسىنداعى حالىقارالىق قارجى ورتالىعىنىڭ جۇمىسىنا قاتىسادى. اندرەي كوستين «استانا» حفو اياسىندا «ۆتب كاپيتال» بولىمشەسىن اشۋ نيەتى تۋرالى مالىمدەدى. ۆتب باسشىسىنىڭ ايتۋىنشا، توپ قازاقستاننىڭ بانك سەكتورىن دامىتۋ ماقساتىندا رەسپۋبليكا باسشىلىعىمەن ودان ءارى تىعىز ىنتىماقتاستىققا مۇددەلى.

سوڭعى جاڭالىقتار

11 تامىزعا ارنالعان ۆاليۋتا باعامى

ەكونوميكا • بۇگىن، 09:40

ۇقساس جاڭالىقتار