ايتۋلى دودادا 27 جۇلدە جەڭىپ العان اقش قۇراماسى كوماندالىق ەسەپتە ايقىن جەڭىسكە قول جەتكىزدى. تارقاتىپ ايتساق, امەريكالىقتار 12 التىن, 11 كۇمىس جانە 4 قولا مەدالدى قورجىنعا سالدى. جەلمەن جارىسقان جەلاياقتارىنا ارقا سۇيەگەن كەنيا مەن يامايكا ەكىنشى جانە ءۇشىنشى ورىنداردى ولجالادى. قارا قۇرلىق وكىلدەرى 11 (5+2+4) جۇلدە السا, ارالىقتار 10 (3+4+3) مارتە جەڭىس تۇعىرىنان قول بۇلعادى. ۇزدىك بەستىكتىڭ قاتارىنا قىتاي (3+3+3) مەن ەفيوپيا (2+5+1) قوسىلدى.
دوپينگ داۋىنا بايلانىستى رەسەي سپورتشىلارى ءوز ەلىنىڭ تۋى استىندا ەمەس, «بەيتاراپ اتلەتتەر» كومانداسى ساپىندا ونەر كورسەتتى. دوحاداعى دودادا ولار التى مەدالدى (2+3+1) يەلەنىپ, جالپى ەسەپتە التىنشى ساتىعا تابان تىرەدى. بۇل جارىستا بارلىعى 44 مەملەكەتتىڭ وكىلدەرىنە جۇلدەلى ورىندار بۇيىردى.
وكىنشىكە قاراي, وسى جارىستا قازاقستاننىڭ جەڭىل اتلەتتەرىنە بىردە-ءبىر جۇلدە بۇيىرعان جوق.
