بۇل جولى شاراعا الماتى قالالىق جەمقورلىققا قارسى كۇرەس دەپارتامەنتى ۇيىتقى بولىپ وتىر. ولار وزگەلەرگە ۇلگى كورسەتىپ, ەكى وتباسىعا كومەك كورسەتتى. بۇل باستامانى اباي اتىنداعى قازاق ۇلتتىق پەداگوگيكالىق ۋنيۆەرسيتەتتىڭ جانىنا قۇرىلعان سوربوننا-قازاقستان ينستيتۋتى مەن الماتى سىبايلاس جەمقورلىققا قارسى ءىس-قيمىل دەپارتامەنتىمەن بىرىگىپ جۇزەگە اسىرىپ وتىر. ماقسات كومەككە مۇقتاج جاندار مەن كومەك قولىن سوزعىسى كەلەتىندەردىڭ بازاسىن جاساقتاۋ جانە ونىڭ اراسىن جالعايتىن ەرىكتىلەردى تارتۋ.
«سونىڭ ەكەۋىنىڭ ورتاسىندا بايلانىس قۇرۋ وسى جەردەگى جوبا ءوفيسىنىڭ ماقساتى ەكىنشى جاعىنان كومەك كورسەتەتىن زاتتاردى اپارىپ سول ۇيلەرگە تابىس ەتۋ سول ءبىزدىڭ ۆولونتەر جاستاردىڭ تىرلىگى. بۇگىنگى تاڭدا ءبىز 18 جانۇياعا ولاردىڭ ىشىندە ءارتۇرلى جاعدايلارى بار سول جانۇيالارعا ۋنيۆەرسيتەتتىڭ ۇستازدارىنىڭ, قىزمەتكەرلەرىنىڭ كومەگىن بەردى», - دەدى اباي اتىنداعى قازۇپۋ رەكتورى تاكير بالىقباەۆ.
بۇگىندە اتالعان جوبادا 60 ەرىكتى بار جانە ۇيىمداستىرۋشىلاردىڭ ايتۋىنشا, بۇل سان كۇن ساناپ ارتىپ كەلەدى. «ىزگىلىك ەلشىسى» كەڭ كولەمدە كومەك كورسەتپەسە دە, مۇقتاج جاندارعا كۇندەلىكتى قاجەتتى زاتتارمەن قامتاماسىز ەتۋ جانە ءۇي شارۋاسىندا كومەك قولىن سوزۋدى ماقسات ەتىپ وتىر. ەرىكتىلەر ارنايى سايت اشقان.
«بۇل سايتتا بىرنەشە ءبولىم بار. ماسەلەن, كومەككە مۇقتاج جاندار وزىنە قاجەتتى كومەكتى ءوتىنىش رەتىندە قالدىرسا بولادى جانە كەرىسىنشە قايىرىمدى جاندار دا قولىنان كەلەتىن كومەكتى وسى سايتتا اقپارات قالدىرۋعا مۇمكىندىك بار. ءبىزدىڭ ەرىكتىلەر وسى ەكى ارانى بايلانىستىراتىن التىن كوپىر بولماق. جانە بۇل باستاما تەك ءبىر ۋنيۆەرسيتەتتىڭ قابىرعاسىندا قالماي, جالپى ۇلتتىق باستاماعا اينالسا دەيمىز», دەدى «ىزگىلىك ەلشىسى» جوباسىنىڭ ۇيلەستىرۋشىسى اينۇر ءسابيتوۆا.
الماتى قالالىق سىبايلاس جەمقورلىققا قارسى كۇرەس دەپارتامەنتىنىڭ باسقارما باستىعى ەلنار يگىلىكوۆ پورتال جۇمىس ىستەي باستاعان كەزدە ونىمەن تانىسقان ءاربىر ازامات , قانداي ازاماتقا قول ۇشىن بەرە الادى, تەك تۇرمىستىق تەحنيا ەمەس, ازىق-ت ۇلىكپەن كومەكتەسۋگە بولاتىنىن ايتتى. ازاماتتار تىركەلىپ جازادى, كومەك سۇرايدى. ۆولونتەرلار بارىپ كورەدى. ەگەر راسىمەن مۇقتاج بولسا, ازاماتتار كومەكتەسەدى.
«ىزگىلىك ەلشىسى» سايتى كەلەسى دۇيسەنبىدەن باستاپ جۇمىس ىستەي باستايدى. وعان تۇرمىسى تومەن تۇرعىندار تىركەلىپ, كەرەك-جاراقتارىن سۇراي الادى. ازىرگە تەك الماتى قالاسىندا باستالعان يگى ءىس بولاشاقتا بۇكىل ەل اۋماعىندا قارقىندى قولداۋ تابادى دەگەن جوسپار بار.
