پوليتسيا قىزمەتىنىڭ 200-دەن استام بۇرىنعى قىزمەتكەرلەرىنىڭ جاسى 70-تەن اسقان. ولاردىڭ ارقايسىسىنا ماتەريالدىق كومەك كورسەتىلدى. مەرەكەلىك داستارقان جايىلىپ, كونتسەرت ۇيىمداستىردى. «بۇرىنعى ارىپتەستەرمەن كەزدەسۋ جانە جۇمىس جىلدارى تۋرالى جىلى ەستەلىكتەر-جاستىق شاققا قايتا ورالۋعا مۇمكىندىك بەردى, بۇل ەڭ تاماشا سىيلىق. وسىنداي كەزدەسۋلەر بويىمىزعا قۋات, جانىمىزعا سەرپىلىس سىيلايدى»,- دەپ العان اسەرىمەن ءبولىستى ىشكى ىستەر ورگاندارىنىڭ ارداگەرى, وتستاۆكاداعى پولكوۆنيك ەرمەك تالعارباەۆ.
ماراپاتتاۋ ءراسىمى دە ارداگەرلەردى ەرەكشە كوڭىل-كۇيگە بولەدى. پوليتسيا دەپارتامەنتىنىڭ باستىعى, پوليتسيا پولكوۆنيگى مارات تولەباەۆ قىزمەت وتكەرۋ كەزىندە جوعارى كاسىبيلىكتى كورسەتىپ, قازىرگى ۋاقىتتا دا پوليتسيا ۆەدومستۆوسىنىڭ ومىرىنە بەلسەندى قاتىسىپ جۇرگەن زەينەتكەرلەرگە مەدالدار مەن گراموتالار تابىستادى. مارات ساعىنتاەۆ اعا ۇرپاقتىڭ ەڭبەكقورلىعى مەن ومىرلىك ۇستانىمدارى قازىرگى پوليتسەيلەرگە باعىت-باعدار بەرەتىنىن اتاپ ءوتتى.
بۇگىنگى تاڭدا سولتۇستىك قازاقستان وبلىسى پوليتسيا دەپارتامەنتى ەسەبىندە 2086 زەينەتكەر تۇر. ونىڭ 5-ءۋى ۇلى وتان سوعىسىنىڭ ارداگەرى, 28 تىل ەڭبەككەرى مەن تورتەۋى مايدانگەرلەردىڭ جەسىرى.
