ايماقتار • 07 قازان، 2019

مۇنايلى اۋدانىندا 35 كاسىپكەرگە قولداۋ باعىتىندا 192،0 ملن تەڭگە كولەمىندە نەسيە بەرىلدى

21 رەت كورسەتىلدى

بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن بريفينگتە مۇنايلى اۋدانىنىڭ اكىمى راحات ەلتيزاروۆ مالىمدەدى.

- كاسىپكەرلەردى قولداۋ باعىتىندا اتامەكەن مكۇ ارقىلى 8 ادامعا، 80،0 ملن تەڭگە كولەمىندە، «اۋىل شارۋاشىلىعىن قارجىلاي قولداۋ قورى» اق ارقىلى 27 ادامعا 112،0 ملن تەڭگە كولەمىندە بيۋدجەتتىك كرەديت بەرىلدى. كورسەتكىش وتكەن جىلى، ياعني 01.09.2018 جىلى 31 ادامعا 124،7 ملن تەڭگە بولعان ەدى.

كاسىپكەرلىك سالاسى باعىتىندا «بيزنەستىڭ جول كارتاسى 2020» بيزنەستى قولداۋ مەن دامىتۋدىڭ بىرىڭعاي باعدارلاماسى اياسىندا 21 جوباعا 149،9 ملن تەڭگە كەپىلدەندىرۋ بەرىلدى، سۋبسيديالاۋ بويىنشا 29 جوباعا 1 ملرد 39 ملن تەڭگە مەملەكەتتىك قولداۋ كورسەتىلدى. سالىستىرمالى تۇردە ايتساق، 01.09.2018 جىل جاعدايىنا كەپىلدەندىرۋ 15 جوبا 154،4 ملن تەڭگە بولدى.

«نۇر كاپيتال» وڭىرلىك باعدارلاماسى اياسىندا مۇنايلى اۋدانىنان بارلىعى نەسيە سومماسى 1 ملرد 148،7 ملن تەڭگەنى قۇرايتىن 66 جوبا ماقۇلداندى، جالپى 2019 جىلعى ماقۇلدانعان - 19 جوبا.

اۋداندا 2019 جىلى 1208 جۇمىس ورنى اشىلاتىن 48 جەكە ينۆەستيتسيالىق جوبانىڭ ىشىندە 26-ءى ىسكە قوسىلىپ، 674 جۇمىس ورنى قۇرىلدى دەدى اۋدان اكىمى ر.ەلتيزاروۆ.      

بۇگىندە وبلىس بويىنشا حالقىنىڭ سانى ەڭ كوپ بولىپ سانالاتىن مۇنايلى اۋدانىندا اتقارىلىپ جاتقان جۇمىستاردىڭ بارلىعى الەۋمەتتىك ماسەلەلەردىڭ شەشىمىن تابۋعا باعىتتالىپ وتىر. مۇنايلى اۋدانىنىڭ حالقىنىڭ سانى 167،6 مىڭ ادامدى قۇراپ، وتكەن جىلدىڭ ءتيىستى كەزەڭىمەن سالىستىرعاندا 10،5 مىڭ ادامعا كوبەيگەن (01.09.2018ج.- 157،1 مىڭ ادام).

راحات تەزەكباي ۇلىنىڭ ايتۋىنشا، «2019 جىلعى قاڭتار-تامىزدا ونەركاسىپ كاسىپورىندارى 39 333،8 ملن تەڭگە كولەمىندە ءونىم وندىرگەن (01.09.2018ج. – 36 820،4 ملن تەڭگە). وتكەن جىلدىڭ ءتيىستى كەزەڭىمەن سالىستىرعاندا ونەركاسىپ ءونىمى 2 513،4 ملن تەڭگەگە وسكەن.

قۇرىلىس جۇمىستارىنىڭ كولەمى بويىنشا 3 124،9 ملن تەڭگەنى قۇرادى (01.09.2018ج – 4 424،5 ملن.تەڭگە).

جالپى كولەمى 163،2 مىڭ ش.م. تۇرعىن ۇيلەر ىسكە قوسىلدى. وتكەن جىلدىڭ ءتيىستى كەزەڭىمەن سالىستىرعاندا 24،2 مىڭ شارشى مەترگە كوبەيىپ وتىر.

- 2018-2019 جىلدارى ماڭعىستاۋ اۋىلىنان 24 پاتەرلىك 7 ءۇيدىڭ جانە باتىر اۋىلدىق وكرۋگىنەن 4 پاتەرلىك 26 ءۇيدىڭ قۇرىلىسى اياقتالىپ، 272 ازاماتقا پاتەر ءبولىنىپ (2019 جىلدىڭ 6 ايىندا 129 ادامعا بەرىلدى)، كىلتتەرى تابىستالدى.

اۋدان تۇرعىندارىن تۇرعىن ۇيمەن قامتاماسىز ەتۋ ماقساتىندا 2017 جىلى «نۇرلى جول» باعدارلاماسى اياسىندا 24 پاتەرلىك 12 ءۇيدىڭ بارلىعى - 288 نەسيەلىك پاتەر قۇرىلىسى سالىنىپ، «تۇرعىن ءۇي قۇرىلىس جيناق بانكى» ارقىلى بارلىعى 281 پاتەر ساتىلىمعا جىبەرىلدى. ساتىلىم سومماسى 1 505،3 ملن تەڭگە. قالعان 7 پاتەر 2019 جىلدىڭ سوڭىنا دەيىن ساتىلۋ جوسپارلانۋدا.

بۇدان باسقا، ماڭعىستاۋ اۋىلىندا 4 قاباتتى 24 پاتەرلىك 30 ءۇيدىڭ جوبالىق سمەتالىق قۇجاتتاماسى ازىرلەنۋدە جانە باتىر اۋىلدىق وكرۋگىندە 4 پاتەرلى 20 تۇرعىن ءۇيدىڭ قۇرىلىسىنىڭ جوبالىق-سمەتالىق قۇجاتتاماسى جاساقتالدى. وسى جوبالار دايىندالىپ، قارجىلاندىرىلىپ، قۇرىلىسى جۇرگىزىلگەن جاعدايدا تۇرعىن ءۇي كەزەكتىلىگىن ازايتۋعا سەپتىگىن تيگىزەدى دەپ مالىمدەدى ر. ەلتيزاروۆ.

ماڭعىستاۋ وبلىسى

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار