رۋحانيات • 07 قازان، 2019

زيارات ءتۋريزمىن دامىتۋعا مۇددەلى

50 رەتكورسەتىلدى

وزبەكستاننىڭ ءتۋريزمدى دامىتۋ جونىندەگى مەملەكەتتىك كوميتەتىنىڭ زيارات ءتۋريزمىن دامىتۋ ءبولىمىنىڭ باس مامانى سايدكوميل حالحودجاەۆ الماتىعا كەلگەن ساپارىندا كونە تۇركىستان تۇركى مەملەكەتتەرى اراسىنداعى سوپىلىق ءىلىمىنىڭ نەگىزى قالانعان ورتالىق دەۋگە بولاتىنىن ايتتى. ونىڭ ايتۋىنشا، احمەت ياساۋي كەسەنەسى مەن ونىڭ تاريحىن، ۇلى ويشىلدىڭ ءىلىمىن ۇيرەنۋ مەن يسلام مۇرالارى تۇركى حالىقتارى ءۇشىن عانا ەمەس، الەم جۇرتشىلىعى ءۇشىن دە قىزىقتى.

«قازاقستان مەن وزبەكستاننىڭ ءوزارا قولعا العان جوبالارى، ونىڭ ىشىندە تۋريستىك كومپانيالار اراسىنداعى بايلانىس كەلەشەكتە بۇدان دا ارتا تۇسەدى»، دەدى سايدكوميل حالحودجاەۆ.

وزبەكستان اۋماعىندا 7 مىڭ­نان استام مادەني جانە تاريحي نىسان بار. ءتورت كونە قالا­داعى 200-دەن استام تاريحي جادى­گەر يۋنەسكو-نىڭ ەرەكشە قورعا­لاتىن ايماقتار تىزىمىنە ەنگەن. الداعى ۋاقىتتا «ەجەلگى بۇحارا» جانە «سامارقاند سيتي» دەمالىس ايماعى قۇرىلماق.

الداعى ۋاقىتتا بىرىگىپ «جى­بەك جولى» تۋريستىك جوباسىن دا جۇزەگە اسىرماقشى.

ونىڭ ءبىر بولىگى زيارات ءتۋريز­مى بولماق، دەيدى ماماندار.

ستاتيستيكالىق مالىمەتكە جۇ­گىنسەك، بيىل 7 ايدا كورشى ەل اۋما­عىنا 3 ميلليونان استام تۋ­ريست كەلگەن. 2018 جىلى وزبەك-س­تاننان بىزگە ءدال سونشاما ادام قىدىرىپ كەلگەن. ونىڭ باسىم بولىگى تۇركىستانعا زيارات جاساپتى. «تۇركى جۇرتىنىڭ رۋحاني استا­ناسى سانالاتىن كونە ياسسى قالاسى زياراتشىلار سانىنىڭ ارتۋىنا سەبەپ بولاتىندىعىنا ءبىز سەنەمىز»، دەيدى سايدكوميل حالحودجاەۆ.

وزبەكستاننىڭ ەسىگى شەتەلدىك تۋريستەرگە ايقارا اشىلعانىنا بيىل ءۇشىنشى جىلعا اياق باستى. 2019 جىلدان باستاپ بۇل ەلدە 6 ميلليونعا جۋىق ادام قوناقتا بولعان. ونىڭ تەك 4 ميلليونى عانا سامارقان، بۇحارا قالاسىنا توقتاعان. بۇل 2018 جىلمەن سا­لىس­تىرعاندا ەكى ەسە كوپ. بۇرىن مۇنداي كورسەتكىشتى تەك ارماندايتىن وزبەك بيلىگى تۋريستەردى الدە دە ەسەلەپ تارتۋ ءۇشىن ىشكى ءتۋريزمنىڭ مۇمكىندىكتەرىن ءارتا­راپتاندىرىپ جاتىر.

تاشكەنت قالاسى تۋريستىك ين­فرا­قۇرىلىم جانە مادەني مۇرا ءبولىمىنىڭ باسشىسى ەلبەك نابيەۆ قازاقستانعا كەلگەن ساپارىندا وزبەك بيلىگى قوناقتارعا جايلى بولۋ ءۇشىن بار جاعدايدى جاساپ جاتقانىن ايتتى. قوناق­ۇيلەرگە توقتاعان تۋريستەرگە وز­بەكتىڭ حوش ءيىستى كوك شايى مەن تاندىر نانى تەگىن ۇسىنىلادى. «قازىر ءبىزدىڭ ەلدە 65 مەملەكەتپەن ۆيزاسىز رەجىم ورناعان. كەلەسى جىلى بۇل تىزىمگە تاعى 20 ەل قوسىلادى دەپ كۇتىپ وتىرمىز»، دەدى ەلبەك نابيەۆ.

زيارات ءتۋريزمىنىڭ تۇركىس­تاننان باستالۋى وزبەك بيلىگى ءۇشىن ءتيىمدى بولىپ تۇر. ال ق­ا­زاق­ستاندىق ماماندار ەجەلگى سايرامداعى سانسىز باپ پەن ارىس­تانباب كەسەنەسىن «جىبەك جو­لى» تۋريستىك جوباسىنا كىرگىزۋ قاجەت­تىگىن ەسكەرتىپ وتىر. سەبەبى سايرامدا احمەت ءياساۋيدىڭ اتا اناسى يبراگيم مەن قاراشاش، ال وتىراردا ۇستازى ارىستان بابتىڭ كەسەنەسى بار. بۇدان وزگە كونە وتى­رار جەرىندە شىڭعىس حاننىڭ ءىزى سايراپ جاتىر.

 «سايرام مەن وتىراردىڭ «جى­بەك جولى» تۋريستىك جوباسىنا ەنۋىنە قازاقستان مۇددەلى بولۋى كەرەك»، دەيدى قازاقستاندىق تۋريزم سالاسىنىڭ وكىلدەرى.

وزبەكستان رەسپۋبليكاسىنىڭ باس كونسۋلى ابرور فاتحۋللاەۆ اپتا باسىندا قازاقستاندىق جۋرناليستەرمەن كەزدەسكەن كەزدە 2025 جىلدارعا ارنالعان ءتۋريزم­دى دامىتۋ باعدارلاماسى بەكى­تىلگەنىن ايتتى. بۇل باع­دار­­­لاما وزبەكس­تاندى ايماق­تىق جانە الەمدىك تۋريزم نارى­عىن­داعى باسەكەگە قا­بىلەتتى ەلگە اينالدىرۋدى كوز­­­دەپ، تۋريستەر اعىنىن جىلىنا 9 ميل­ليونعا جەتكىزۋدى ماقسات ەتكەن.

بىلتىر تاشكەنتتە وتكەن حا­لىق­ارالىق تۋريستىك ينۆەس­ت­فو­رۋمعا جينالعاندار ءبىر ءتۋريس­تىڭ وزبەكستانداعى 1 اپتا­لىق شىعىنى 619 دوللار بولاتىنىن ەسەپتەپ شىعارعان.

بۇعان قوناقۇي شىعىنى، تاڭ­ەرتەڭگى جانە كەشكى تاماق ءمازىرى كىرەدى.

باس كونسۋل ابرور فاتحۋللاەۆ بىزبەن اڭگىمەسىندە 2025 جىلعا قا­راي، بۇل كورسەتكىش 2،2 ميل­ليارد دوللارعا، ءتۋريزمنىڭ ىشكى جالپى ونىمدەگى ۇلەسى 2،3 پايىزدان 5%-عا جەتۋى كەرەك ەكەنىن ايتتى. سونى­مەن ءبىر مەزگىلدە تۋريستەردى ور­نالاستىراتىن دەمالىس ايماق­تارىنىڭ سانى دا 900-دەن 3000-عا دەيىن ءوسىپ، ال تۋريستىك فير­مالاردىڭ سانى 1700-گە دەيىن جەتۋى كەرەك.

بۇل دەرەكتەر وزبەكپەن كورشى قونعان قازاقتى شىنداپ ويلاندىرۋى ءتيىس.

 

الماتى

 

سوڭعى جاڭالىقتار

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

بولمىسى ءبۇتىن باعاەۆ

رۋحانيات • بۇگىن، 07:19

ەر ەدىگە جانە ەلدىك مۇددە

رۋحانيات • بۇگىن، 07:11

تەمەكىنىڭ تاۋقىمەتى

مەديتسينا • بۇگىن، 07:05

ەڭ قىسقا اڭگىمە. ولجاس ساندىبەك

ەڭ قىسقا اڭگىمە • كەشە

ەڭ قىسقا اڭگىمە. تالعات ەشەن ۇلى

ەڭ قىسقا اڭگىمە • كەشە

ەڭ قىسقا اڭگىمە. نۇرداۋلەت قاباسوۆ

ەڭ قىسقا اڭگىمە • كەشە

ەڭ قىسقا اڭگىمە. ەرمەك بەگزادا

ەڭ قىسقا اڭگىمە • كەشە

ەڭ قىسقا اڭگىمە. نۇرنازار تۇرىكبەن

ەڭ قىسقا اڭگىمە • كەشە

ۇقساس جاڭالىقتار