مۇندا شاھاردىڭ كەز كەلگەن تۇرعىنى كەلىپ, كوڭىلىنە ۇناعان جانۋاردى اسىراپ الا الادى. جاناشىرلىق جارمەڭكەسى وسىمەن سەگىزىنشى رەت وتكىزىلدى. وسى ارالىقتا قاراۋسىز قالعان 60-تان استام يت پەن مىسىق جاڭا يەسىن تاپتى. وسىلايشا, جانۋار جاناشىرلارى تۇرعىنداردىڭ نازارىن اۋدارىپ, قوعامدى قاڭعىپ قالعان يت پەن مىسىققا قامقورلىق تانىتۋعا ۇندەيدى.
سونداي-اق مۇندا ۋاقىتشا باسپاناداعى يەسىز ءۇي جانۋارىنىڭ سۋرەتتەرى ىلىنگەن. الىپ كەتۋگە نيەت بىلدىرگەندەر كورسەتىلگەن مەكەن جايعا بارىپ, قالاعان مىسىق نە ءيتىن تاڭداي الادى. ايتا كەتەيىك, ەلورداداعى قاڭعىباس جانۋارلاردى ۋاقىتشا ۇستاۋعا ارنالعان ورتالىق 2017 جىلدان بەرى جۇمىس ىستەيدى. مۇنداعى جانۋارلاردىڭ بارلىعى كارانتين, ۆاكتسيناتسيالاۋدان ءوتىپ, ۆەتەرينارلاردىڭ باقىلاۋنا الىنعان.
ء«بىزدىڭ اكىمدىكتىڭ قاڭعىباس جانۋارلارعا ارنالعان پانالاۋ باسپاناسى بار. وندا 700-گە جۋىق ءۇي جانۋارلارى اۋلانعان. سول جەردەن ءبىز جارمەڭگەكە شىعارىپ وتىرامىز. بىرىنشىدەن, جانۋارلاردى ءار ادام قورعاي ءبىلۋى كەرەك. وعان جانى اشۋى كەرەك. كوشەدە قاڭعىپ جۇرگەن يتتەردى حابارلاپ, ءبىز ونى الىپ كەتەمىز. سودان ونى تاراتۋ جۇمىستارىن جۇرگىزەمىز. قالا تۇرعىندارىنا ايتارىم, جانۋارلارعا جاناشىرلىقپەن قاراۋ كەرەك», - دەيدى قالالىق ۆەتەريناريا جانە وسىمدىكتەردى قورعاۋ ءبولىمىنىڭ باسشىسى ءاشىم قايرۋللين.
