شەننون ۋوكەر 2010 جىلى بايقوڭىردان عارىش كەڭىستىگىنە كوتەرىلىپ, 163 كۇندىك ەكسپەديتسيادا بولعان. شەننون ۋوكەر بايقوڭىردان ۇشپاس بۇرىن رف اۋماعىندا ۇزاق ۋاقىت دايىندىقتان وتكەنىن ايتىپ بەردى.
ء«بىز رەسەيدە ءتۇرلى سكافاندەرلەردى كيۋ, ونىمەن جۇمىس ىستەۋ تۇرعىسىندا كوپتەگەن دايىندىق جۇمىسىن جۇرگىزدىك. ولاردىڭ كەيبىرىنىڭ سالماعى تىپتەن 100 كەلىگە دەيىن تارتاتىن. مەن كىشكەنتاي كەزىمنەن عارىشكەر بولۋدى ارماندادىم جانە سوعان جەتتىم», - دەدى ول.
جيىن بارىسىندا ول قالا تۇرعىندارىنىڭ كوپتەگەن سۇراعىنا جاۋاپ بەردى. سونداي-اق ول “ادامدار مارستى يگەرىپ, قالا تۇرعىزا الا ما؟” دەگەن سۇراققا دا جاۋاپ بەردى.
«قازىر مارس, اي سياقتى عالامشارلار زەرتتەلۋ ۇستىندە. ولار جەرگە قاۋىپ تونگەن كەزدە حالىقتى سوندا كوشىرۋ تۇرعىسىندا جاسالىپ جاتىر. قاي كەزدە ەكەنى بەلگىسىز, ءتۇبى ادامزات مارستى يگەرەدى.
قازاقستاندا دارىندى ادامدار مەن بىلىكتى ماماندار كوپ دەپ ويلايمىن. ولارعا ءوز مۇمكىندىكتەرىن پايدالانا بىلۋگە جول اشۋ قاجەت, سوندا ەلدىڭ بولاشاعى جارقىن بولادى», - دەدى NASA استروناۆتى, عالىم شەننون ۋوكەر.
الماتى
