«حالقىمىزدىڭ قاھارمان باتىرى باۋىرجان مومىش ۇلى «ومىرگە ۇرپاق بەرگەن انالاردى قانداي ارداقتاساق, سول ۇرپاقتى تاربيەلەيتىن ۇستازداردى دا سونداي ارداقتاۋعا مىندەتتىمىز» دەگەن ەكەن. جاستار تاربيە مەن ءبىلىم بەرۋ ءىسىن تارازىنىڭ باسىنداي تەڭ ۇستاپ, كرەاتيۆتى يدەيالارىمەن قالانىڭ ءبىلىم سالاسىنىڭ دامۋىنا ءوز ۇلەستەرىن قوسادى دەپ سەنەمىز», - دەدى الماتى قالاسىنىڭ اكىمى باقىتجان ساعىنتاەۆ.
قۇتتىقتاۋ سوزدەن كەيىن جىلدىڭ ۇزدىك ۇستازدارى مەن پەداگوگ ۇجىمى ماراپاتتالدى. الماتى قالاسى بويىنشا 205 مەكتەپ ىشىنەن 10 ءبىلىم وشاعى وزا شاپقان. مىقتى دەپ تانىلعان ۇجىمعا جالاقىلارىنا قوسىمشا سىياقى الادى. سونىمەن قاتار بيىلعى رەسپۋبليكالىق بايقاۋعا الماتى قالاسىنان 4 مۇعالىم قاتىسقان ەكەن. ولارعا الماتى قالاسىنىڭ اكىمى باعالى سىيلىقتار تابىستادى.
2019 جىل بويىنشا ۇزدىك مۇعالىم دەپ تانىلعان جانار قۇسايىنوۆا تىلشىلەرمەن كەزدەسكەن كەزدە ۇستاز بولۋ, ەڭ الدىمەن, جۇرەكتىڭ باتىرلىعى ەكەنىن تىلگە تيەك ەتىپ ءوتتى.
الماتى قالاسى ءبىلىم باسقارماسى باسشىسىنىڭ ورىنباسارى ءلاززات جىلقىباەۆانىڭ ايتۋىنشا, ۇزدىك پەداگوگيكالىق ۇجىم بايقاۋى الماتى قالاسىنا عانا ءتان كونكۋرس ەكەن. ول 2012 جىلدان بەرى ۇيىمداستىرىلىپ كەلەدى. وعان جەرگىلىكتى بيۋدجەتتەن دە قوماقتى قارجى ءبولىنىپ وتىرادى.
«بۇل جەردە ۇستازدار كۇنى قارساڭىندا تولىقتاي ءبىر ۇجىم وزدەرىنىڭ جالاقىلارىنا سىياقى الادى. شامامەن جىلدا 10 مەكتەپ ۇزدىك اتانىپ شىعادى. بۇل ماقساتقا جەرگىلىكتى بيۋدجەت ەسەبىنەن 130 ملن تەنگە قارجى بولىنگەن» دەيدى ءلاززات جىلقىباەۆا.
ەڭبەك ەرى اياگۇل ميرازوۆا دا بۇل باعىتتا كوپ تىرلىكتىڭ بەتى قايىرىلعانىن ايتىپ ءوتتى. «سول سەبەپتى الداعى ۋاقىتتا اتا-انانىڭ دە مىندەتىن, جاۋاپكەرشىلىگىن ارتتىرۋ ماسەلەسى جوبادا قارالعانى دۇرىس. سەبەبى بالاعا العاشقى تاربيە وتباسىندا بەرىلەدى», - دەپ اتاپ ءوتتى ول.
الماتىدا كوللەدج, بالاقشا جانە مەتكەپ سىندى 400-دەن استام ءبىلىم بەرەتىن مەكەمە بار. وندا 32 مىڭنان استام پەداگوگ ەڭبەك ەتەدى. بۇگىنگى ايتۋلى ءىس-شاراعا 3 مىڭ ۇستاز قاتىستى.
ايتا كەتەيىك, كەلەسى جىلدان باستاپ الماتى اكىمى باقىتجان ساعىنتاەۆتىڭ باستاماسىمەن قالالىق دەڭگەيدە ۇزدىك مۇعالىمدەر بايقاۋى وتكىزىلمەكشى. وزا شىققان مامانعا كولىك تە تابىستالماق.
الماتى
