سپورت • 04 قازان، 2019

شەراعاڭنىڭ ءتۋرنيرى مارەگە جەتتى

285 رەتكورسەتىلدى

الماتىداعى «باستاۋ» كلۋبىندا حالىق جازۋشىسى، كورنەكتى مەملەكەت جانە قوعام قايراتكەرى شەرحان مۇرتازانى ەسكە تۇسىرۋگە ارنالعان باق وكىلدەرى اراسىندا بيلياردتان تۋرنير ءوتتى.  بۇل دوداعا رەسپۋبليكامىزدىڭ بىرقاتار ايماقتارىنان كەلگەن تەلەۆيزيا مەن ءباسپاسوز ارداگەرلەرى جانە وسى سالادا ەڭبەك ەتىپ جۇرگەن جۋرناليستەر قاتىستى.

ايتۋلى ءتۋرنيردىڭ شىمىلدىعىن اشقان «ەگەمەن قازاقستان» رگ اق باسقارما توراعاسى دارحان قىدىرالى وسىمەن ءۇشىنشى مارتە ۇيىمداستىرىلىپ وتىرعان ءداستۇرلى دودانىڭ ءمانى مەن مازمۇنى تەرەڭدە جاتقانىن اتاپ ءوتتى. «بۇل تۋرنير اقيقاتتىڭ الداسپانى، شىندىقتىڭ شىراقشىسى اتانعان شەراعاڭنىڭ 85 جىلدىعى قارساڭىندا باستالعان بولاتىن. ال بۇگىنگى باسقوسۋدىڭ ورنى تىپتەن ەرەكشە. نەگە دەسەڭىزدەر، وزدەرىڭىز كورىپ وتىرعانداي الماتى قالاسىنىڭ اكىمى باقىتجان ساعىنتاەۆ مىرزا وسى جارىستىڭ اشىلۋ سالتاناتىنا ارنايى كەلدى. بيىلعى جىلدان باستاپ اكىمدىك وسى ءتۋرنيردى ءوز قامقورلىعىنا الىپ وتىر. ءبىز ءوز كەزەگىمىزدە بارشا قالامگەرلەر مەن ەل گازەتى – «ەگەمەننىڭ» اتىنان وسىنداي ىزەت ءبىلدىرىپ وتىرعان شاھار باسشىسىنا زور ريزاشىلىعىمىزدى بىلدىرەمىز»، دەدى دارحان قىدىرالى.

كوپشىلىككە قۇتتىقتاۋ ءسوزىن ارناپ، قاتىسۋشىلارعا اق جول تىلەگەن باقىتجان ساعىنتاەۆ: «شەرحان اعامىزدىڭ شەرتكەن سىرلى ەستەلىكتەرى ءالى كۇنگە دەيىن كوڭىلىمىزدە قاتتاۋلى. قالامگەردىڭ ءمىردىڭ وعىنداي قىلىپ ايتقان ءاربىر ءسوزى كۇنى بۇگىنگىدەي قۇلاعىمىزدا. جازۋشىلىق قىرىنان بولەك، قايراتكەرلىگىمەن دە ەل ەسىندە قالعان ەرەن تۇلعانىڭ ەسىمىن ارداقتاۋ بىزدەر ءۇشىن ۇلى پارىز دەپ بىلەمىز. شەراعانىڭ پارلامەنت مىنبەرىنەن ءۇن قاتقان پايىمدى ويلارى قوعامنىڭ كوز الدىندا اڭىزعا اينالدى. اسىل اعامىزدىڭ ارامىزدان كەتكەنىنە ءبىر جىل بولدى. شەرحان مۇرتازا تۇرعان ءۇيدىڭ قابىرعاسىنا ىلىنەتىن ەسكەرتكىش تاقتا دايىن. مۇندايدا قاعازعا تۇسىرىلگەن بەلگىلى ءبىر شەكتەۋلەر بار. ونى بۇزۋ ءۇشىن جىگەر كەرەك. سەبەبى، شەراعانىڭ سالماعى شەكتەۋدىڭ سالماعىنان ميلليون ەسە ارتىق»، دەگەندە جينالعان قاۋىم دۋ قول شاپالاقتادى.

جارىس ەكى جاس ەرەكشەلىگى بويىنشا ءوتتى. 55 جاسقا دەيىنگىلەر سايىسىندا باس جۇلدەنى «الماتى» تەلەارناسى جاڭالىقتار ءبولىمىنىڭ شىعارۋشى رەداكتورى ۇمبەتالى مەيمەش ولجالادى. ەكىنشى ورىندى «جامبىل» تەلەارناسىنىڭ قىزمەتكەرى سەرىك تاجىباەۆ يەلەنسە، جامبىل وبلىسى جۋالى اۋدانىنىڭ «جاڭا ءومىر» گازەتىنىڭ باس رەداكتورى بەرىك جۇماباي ۇلى ءۇشىنشى ساتىعا تابان تىرەدى.

ال ارداگەرلەر اراسىنداعى اقتىق باسەكە قازاق تەلەۆيزياسىنىڭ كورنەكتى وكىلى نۇرتىلەۋ يمانعالي ۇلى مەن  پروفەسسور ايازبي بەيسەنقۇل اراسىندا ءوربىدى. بۇل تارتىس ن. يمانعالي ۇلىنىڭ پايداسىنا شەشىلدى. ا.بەيسەنقۇل ەكىنشى ورىن السا، جازۋشىلار وداعىنىڭ باسقارما حاتشىسى عالىم قاليبەك ۇلى ءۇشىنشى ساتىعا جايعاستى.

حالىق جازۋشىسى شەرحان مۇرتازانى ەسكە تۇسىرۋگە ارنالعان جارىستىڭ  جەڭىمپازدارىنا 150 مىڭ تەڭگە مەن ارنايى كۋبوك تابىستالسا، جۇلدەگەرلەر 100 جانە 50 مىڭ تەڭگەدەن ەنشىلەدى.

سوڭعى جاڭالىقتار

ەگەمەندىكتەر ەلگە شىقتى

قازاقستان • بۇگىن، 11:19

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

ۇقساس جاڭالىقتار