قازاقستان رەسپۋبليكاسى پرەزيدەنتىنىڭ 2019 جىلعى 30 قىركۇيەكتەگى №176 جارلىعىندا: «قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋگە دايىندىق جونىندەگى مەملەكەتتىك كوميسسيا (مۇنان ارى – مەملەكەتتىك كوميسسيا) قۇرىلسىن», دەلىنگەن حابارلامادا.
جارلىققا قوسىمشا مەملەكەتتىك كوميسسيا جانە مەملەكەتتىك كوميسسيا قۇرامى تۋرالى ەرەجە بەرىلگەن. مەملەكەت باسشىسىنىڭ جارلىعىنا سايكەس, مەملەكەتتىك كوميسسيا 2019 جىلدىڭ 25 جەلتوقسانىنا دەيىن قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋ تۇجىرىمداماسىن ازىرلەۋى جانە 2020 جىلدىڭ 29 اقپانىنا دەيىن قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋ جونىندەگى ءىس-شارالار جوسپارىن ازىرلەپ, بەكىتۋى ءتيىس. جارلىقتىڭ ورىندالۋىنا باقىلاۋ جاساۋ پرەزيدەنت اكىمشىلىگىنە جۇكتەلەدى.
