ءىس-شاراعا ماڭعىستاۋ وبلىستىق سوتىنىڭ سۋدياسى, باق-پەن بايلانىسىن ۇيلەستىرۋشى سۋديا ايجان مولباەۆا, ماڭعىستاۋ وبلىسى بويىنشا سوتتار اكىمشىسىنىڭ باسشىسى نۇرتاي الماشوۆ پەن سوت قىزمەتكەرلەرى, ۇكىمەتتىك ەمەس ۇيىمدار, ستۋدەنتتەر, بۇقارالىق اقپارات قۇرالدارىنىڭ وكىلدەرى قاتىستى.
پرەسس-تۋر قاتىسۋشىلارىنا كەڭسە جۇمىسى, سوت وتىرىسى وتكىزىلەتىن زالدار, ولاردىڭ تەحنولوگيالىق جابدىقتالۋى, سۋديالاردىڭ قىزمەتى تانىستىرىلدى.
نۇرتاي الماشوۆ تىڭداۋشىلار نازارىنا وبلىس سوتتارىنىڭ جۇمىسى تۋرالى قۇندى اقپارات ۇسىنىپ, سوت جۇيەسىنە ەنگىزىلگەن ەلەكتروندى تەحنولوگيالار تۋرالى مالىمەتتەر بەردى.
ودان ءارى ايجان مولباەۆا مەملەكەت باسشىسى قاسىم-جومارت توقاەۆتىڭ «سىندارلى قوعامدىق ديالوگ- قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىنداعى «ازاماتتاردىڭ قۇقىقتارى مەن قاۋىپسىزدىگىن قامتاماسىز ەتۋ» تاراۋىنا توقتالىپ, سوت شەشىمدەرىنىڭ ساپاسىن ارتتىرۋعا, بىرىڭعاي سوت تاجىريبەسىن ورنىقتىرۋعا, سوتتاردىڭ داۋلاردى شەشۋ بارىسىندا قوسىمشا ايعاقتار جيناۋ قۇقىعىنا ەرەكشە ءمان بەرىلەتىنىن جەتكىزدى. سونداي-اق, ول وبلىس سوتتارىنداعى قارالعان ىستەر, ولاردىڭ ساناتتارى, بىتىمگەرشىلىك جانە مەدياتسيا قولدانىسى تۋرالى ستاتيستيكالىق دەرەكتەر كەلتىردى.
پرەسس-تۋر بارىسىندا قاتىسۋشىلارعا مەملەكەتتىك باجدى تولەۋ, تالاپ ارىزدى تىركەۋ, سوت قىزمەتكەرلەرىنىڭ ۇيالى تەلەفون ارقىلى سمس-حابارلاما جىبەرۋى, گيبريدتىك ەلەكتروندىق پوشتا, شپي, سەرۆيس ارقىلى جىبەرىلگەن سمس-حابارلامالار تۋرالى دا تولىق تۇسىنىكتەمە بەرىلدى.
اقپاراتتىق تەحنولوگيالار جانە اقپاراتتىق رەسۋرستاردى قورعاۋ ءبولىمىنىڭ باسشىسى ايسەت ايدارباەۆا اقپاراتتىق تەحنولوگيالاردىڭ سوت جۇيەسىندەگى سوڭعى مۇمكىندىكتەرى, ونىڭ ىشىندە «سوت كابينەتى» سەرۆيسى ارقىلى تالاپ ارىزدى, ءوتىنىشتى بەرۋ, حاتتى جولداۋ, سوت ىستەرىن قاراۋ كەستەسى, سوت ىستەرىمەن تانىسۋ بولىمدەرى تۋرالى ءتۇسىندىردى. سوت جۇيەسىن جاڭعىرتۋ اياسىندا تاراپتارعا سمارتفونعا جۇكتەلگەن «TrueConf» قوسىمشاسى كومەگىمەن قاشىقتان سوت وتىرىسىنا كەلمەي-اق, بەينەبايلانىس ارقىلى قاتىسۋعا مۇمكىندىك بەرەتىن «SMART سوت» پيلوتتىق جوباسىنىڭ ماڭعىستاۋ سوتتارىندا ناتيجەلى جۇمىس ىستەپ وتىرعانىن جەتكىزدى.
وسىلايشا سوت وتىرىسى زالدارىن ارالاپ, سوت پروتسەسىندە اۋديو-ۆيدەو قۇرالدارىنىڭ قولدانىلۋى, جازبالاردىڭ ساقتالۋى, جازبانى توقتاتۋعا, قايتا تىركەۋگە, جوعالتۋعا بولمايتىنى تۋرالى اقپاراتقا قانىق بولعان قاتىسۋشىلار سوت جۇمىسىنا جوعارعى باعا بەردى.
