مەديتسينا • 03 قازان، 2019

الماتىدا اسقازان اۋرۋلارىنىڭ ورتالىق-ازيالىق كونگرەسى ءوتىپ جاتىر

بۇگىن الماتىدا VI حالىقارالىق «ورتالىق-ازيالىق گاستروەنتەرولوگيالىق اپتا - 2019» كونگرەسى (واگا) ءوز جۇمىسىن باستادى. كونگرەسكە قاتىسۋ ءۇشىن الماتى قالاسىنا 500-دەن استام دەلەگات، ونىڭ ىشىندە الىس جانە جاقىن شەتەلدەردەن 75 لەكتور، گاستروەنتەرولوگتار، تەراپەۆتەر، ينفەكتسيونيستەر، جالپى تاجىريبەلىك دارىگەرلەر، پەدياترلار، ونكولوگتار، زەرتحانالىق جانە فۋنكتسيونالدىق دياگنوستيكا سالاسىنداعى ماماندارى كەلدى.

ايناش ەسالى

كونگرەسسكە قاتىسۋشىلار اسقازان-ىشەك جولى اۋرۋلارىن انىقتاۋ مەن ونىڭ الدىن الۋ ماسەلەلەرىن، اۋرۋ كورسەتكىشىن تومەندەتۋ جولدارىن، ءاىج قاتەرلى ىسىككە جەتكىزبەي ەمدەۋ، گاستروەنتەرولوگيا سالاسىندا زاقىمى از حيرۋرگيالىق كومەك كورسەتۋ، ونىڭ ىشىندە باۋىر ترانسپلانتاتسياسى ماسەلەلەرىن تالقىلاپ وتىر. سونداي-اق ايماق كلينيكالارىنداعى جاڭاشىل ەمدەۋ تاسىلدەرى مەن ولاردى ەنگىزۋ تۋرالى اقپاراتتارمەن بولىسەدى.

بۇگىندە اس قورىتۋ جولدارىنىڭ كەسەلى مۇگەدەكتىك پەن ءولىم-ءجىتىم ستاتيستيكاسىندا نەگىزگى اۋرۋلاردىڭ العاشقى بەستىگىنە كىرەدى. سوزىلمالى ۆيرۋستىق گەپاتيت (سۆگ) جانە ونىڭ بارلىق دامۋ كەشەنى – فيبروز، تسيرروز جانە گەپاتوتسەلليۋليارلىق كارتسينوما ەرەكشە الەۋمەتتىك ماڭىزعا يە. اۋرۋ دۇنيەجۇزىلىك اۋقىمدا قوعام دەنساۋلىعىنا قاۋىپ ءتوندىرىپ وتىر.

تەك 2019 جىلدىڭ 9 ايىنداعى مالىمەتتەر بويىنشا، قازاقستاندا سوزىلمالى س گەپاتيتى بار 27،645 مىڭ ناۋقاس، سوزىلمالى ۆ گەپاتيتى بار 19،333 مىڭ ناۋقاس (دەلتا-اگەنتتەرسىز) جانە سوزىلمالى د گەپاتيتى بار 1،290 مىڭ ناۋقاس (دەلتا-اگەنتپەن حگۆ) ەسەپتە تۇر. 2018-2019 جىلدارى 13 405 ناۋقاس ۆيرۋسقا قارسى تەراپيا العان. بيىل س ۆيرۋستى گەپاتيتىمەن اۋىراتىن 11 مىڭ ناۋقاسقا جانە ۆ گەپاتيتىمەن اۋىراتىن بارلىق مۇقتاج ناۋقاستارعا جاڭا رەجيمدەرمەن ۆيرۋسقا قارسى تەراپيا وتكىزۋ جوسپارلانۋدا.

ۆيرۋستى گەپاتيتپەن كۇرەسۋ قاجەتتىلىگىن تۇسىنە وتىرىپ، دۇنيەجۇزىلىك دەنساۋلىق ساقتاۋ ۇيىمى (ددسۇ) 2016-2021 جىلدارعا ۆيرۋستىق گەپاتيت بويىنشا دەنساۋلىق ساقتاۋ سەكتورىنىڭ جاھاندىق ستراتەگياسىن قابىلدادى. ستراتەگيانىڭ ماقساتى – 2030 جىلعا قاراي حالىق دەنساۋلىعىنا قاۋىپ توندىرەتىن اۋىر دەرت رەتىندە ۆيرۋستىق گەپاتيتتى جويۋ. ددسۇ ستراتەگياسىنا نەگىزدەلە وتىرىپ، كوپتەگەن مەملەكەتتەر وزدەرىنىڭ ۇلتتىق جوسپارلارىن قابىلدادى، ءبىزدىڭ ەل دە شەتتە قالمادى.

قازاقستاندا 2017 جىلدان باستاپ پارەنتەرالدىق گەپاتيتتەردىڭ پروفيلاكتيكاسى مەن ونىڭ سالدارىن الدىن الۋ جونىندەگى جول كارتاسى ىسكە اسىرىلۋدا. جول كارتاسى اياسىندا نورماتيۆتىك-قۇقىقتىق بازانى جەتىلدىرۋ، دەنساۋلىق ساقتاۋ ۇيىمدارىنىڭكادرلىق الەۋەتى مەن ماتەريالدىق-تەحنيكالىق بازاسىن كۇشەيتۋ، سوزىلمالى ۆيرۋستىق گەپاتيتتەردىڭ زەرتحانالىق دياگنوستيكاسىنىڭ قول جەتىمدىلىگى مەن ساپاسى جوعارلاتۋ، سوزىلمالى ۆيرۋستىق گەپاتيتى اسقىنعان ناۋقاستاردى قوسا مەديتسينالىق كومەك الۋعا قول جەتىمدىلىكتى قامتاماسى ەتۋجۇرگىزىلۋدە. پروفيلاكتيكالىق جۇمىسقا ۇلكەن نازار بولىنەدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز