ەتنوس وكىلدەرىنە قازاقتىڭ تاريحىندا ەرەكشە ورنى بار دارا تۇلعا, حالىق جازۋشىسى, قوعام قايراتكەرى ءابىشتىڭ ءومىر جولىن, قالامگەردىڭ قايتالانباس تۋىندىلارىن تانىستىرۋ ماقساتىنداعى س-شاراعا ەتنومادەني بىرلەستىك وكىلدەرى, اسسامبلەيا جاستارى, مەكتەپ وقۋشىلارى قاتىستى.
ءىس-شارا بارىسىندا كىتاپحاناشى اسيا نۋتانقىزى ەتنوس وكىلدەرىنە اقىننىڭ ءومىرى مەن شىعارماشىلىعى تۋرالى مالىمەتتەر بەرىپ, ءابىشتىڭ كوزى تىرىسىندە باسىپ شىعارىلعان كىتاپتارىمەن تانىستىردى.
ءابىش كەكىلباەۆتىڭ نەمەرەسى ەلدار ءابىش پەن ۇستازى تامارا ستەپانوۆا ايگىلى جازۋشىنىڭ تۋعان كۇنىنە وراي دايىنداعان ۆيدەوفيلمى كورسەتىلىپ, قۇندى مالىمەتتەر ايتىلدى.
-بۇگىنگى قازاق ەلىنىڭ جازۋشىسى ءابىش كەكىلباەۆتىڭ 80 جىلدىعىنا وراي ۇيىمداستىرىلعان ءىس-شاراعا قاتىسقانىما قۋانىشتىمىن. وسى ۋاقىتقا دەيىن قالامگەر تۋرالى بىلمەگەن ەكەنمىن. ءابىش – ەڭ مىقتى جانە اتاقتى قالامگەر. ول ۆ.شەكسپيردىڭ, ا.چەحوۆتىڭ, ت.ب. ەلدەر قالامگەرلەرىنىڭ شىعارمالارىن قازاقشاعا اۋدارعان دارا تالانتتاردىڭ ءبىرى ەكەن. قىسقاشا ايتقاندا, بۇگىنگى شارادا ابىز ءابىش تۋرالى كوپتەگەن ماعلۇماتتار الدىم. وسى ءىس-شارانى ۇيىمداستىرۋشىلارنا ۇلكەن راحمەتىمدى ايتامىن, دەيدى «ۆايناح» شەشەن-ينگۋش ەتنومادەني بىرلەستىگىنىڭ توراعاسى رۋسلان باماتگەرەەۆ.
