سپورت • 03 قازان، 2019

ۇزدىك ۇشتىكتىڭ قاتارىندا

29 رەتكورسەتىلدى

قازاقستاندىق كاسىپقوي بوكسشى ايدوس ەربوسىن ۇلى بۇكىلالەمدىك بوكس قا­ۋىمداستىعىنىڭ (WBA) جاڭار­تىلعان رەيتينگىندە ءبىر ساتىعا جوعا­رىلاپ، ءۇشىنشى ورىندى يەلەندى.

كەزىندە اۋەسقوي رينگتە تابىستى ونەر كورسەتىپ، رەسپۋبليكالىق جانە حالىقارالىق جارىستاردا جەڭىس تۇعىرىنا كوتەرىلگەن ايتۋلى قازاق بوكسشىسى ءبىراز ۋاقىت دۇنيەجۇزىلىك بوكس سەرياسى (WSB) دوداسىندا «استانا ارلاندارى» ساپىندا كۇش سىناستى. وسىدان تۋرا ءتورت جىل بۇرىن، ياعني 2015 جىلدىڭ 3 قازانىندا ەربوسىن ۇلىنىڭ كاسىپقويلار اراسىنداعى ءوزىنىڭ تۇساۋكەسەر كەزدەسۋىن وتكىزگەنى دە ەسىمىزدە. سول ۋاقىتتان بەرى 12 مارتە شارشى الاڭعا كوتەرىلىپ، بارلىق باسەكەدە جەڭىسكە جەتتى. سەگىز قارسىلاسىن نوكاۋتقا جىبەردى. قازىرگى كەزدە ول – ەكىنشى ورتا سالماق دارەجەسى بويىنشا WBC Asian Continental، WBA International جانە WBO Global نۇسقالارىنىڭ التىن بەلبەۋىنىڭ يەگەرى. وسىنداي ەلەۋلى تابىستارىنىڭ ارقاسىندا ايدوس ەربوسىن ۇلى بۇگىنگى تاڭدا ايتۋلى رەيتينگتە «توپ-3» بوكسشىنىڭ قاتارىنا قوسىلىپ وتىر.

ال قازىرگى كەزدە WBA رەيتينگىندە ۇلىبريتانيالىق دجون رايدەر جەكە-دارا كوش باستاپ تۇر. ول – «ۋاقىتشا» چەمپيو­ن ءتاجىنىڭ يەگەرى. ەكىنشى ورىندى WBA Continental نۇسقاسىنىڭ التىن بەلبەۋىنىڭ يەسى رەسەيلىك فەدور چۋدينوۆ يەلەنۋدە.

سوڭعى جاڭالىقتار

تەرمينگە ساۋاتتىلىق كەرەك

قوعام • بۇگىن، 15:33

ەرلىكتى ەل ءبىلۋى ءتيىس!

قوعام • بۇگىن، 08:53

ساپارداعى سىر

رۋحانيات • بۇگىن، 08:51

اعالاردىڭ جاس شاعى

100 • بۇگىن، 08:42

اقاڭنىڭ اماناتى

رۋحانيات • بۇگىن، 08:40

ءجۇز جىل

100 • كەشە

ۇقساس جاڭالىقتار