بيىلعى جىل 19 جاستاعى قازاق ارۋى ءۇشىن ءساتتى باستالعان ەدى. ول كراسنويارسكىدە الاۋى تۇتانعان دۇنيەجۇزىلىك ۋنيۆەرسيادادا, اناحايمدا ۇيىمداستىرىلعان ء«تورت قۇرلىق بىرىنشىلىگىندە» جانە سايتامادا وتكەن الەم چەمپيوناتىندا كۇمىس مەدالداردى موينىندا جارقىراتىپ, بارشا جانكۇيەردىڭ زور قوشەمەتىنە بولەندى. دەسەك تە سودان كەيىن جاراقات العان جەرلەسىمىز ءبىراز ۋاقىت ەمدەلدى. مىنە, ەندى ول قايتا مۇزايدىنعا ورالىپ, قىتايدا ەلىندە وتەتىن كوممەرتسيالىق تۋرنيردە باق سىناۋعا بەل بۋىپ وتىر. بۇل جارىستا دا ءبىز قازاق ەلىنىڭ ماقتانىشىنا اينالعان سپورتشى قىزعا تابىس تىلەيمىز.
ە.تۇرسىنباەۆادان بولەك, ايتۋلى دودادا وليمپيا ويىندارىنىڭ ەكى دۇركىن كۇمىس جۇلدەگەرى, ەكى دۇركىن الەم جانە ەۋروپا چەمپيونى رەسەيلىك ەۆگەنيا مەدۆەدەۆا باستاعان بىرقاتار ايگىلى مانەرلەپ سىرعاناۋشى ونەر كورسەتەدى.
