«قازاقستان ارۋى» لوندونداعى الەمدىك سايىستا ەلىمىزدىڭ اسەم جەرلەرى تۋرالى باياندايدى

سول «الەم ارۋى» حا­لىق­ارالىق كونكۋرسىنا دا بار بولعانى 2 اي قالدى. ال قازاقستاننىڭ سۇلۋلىق ءتاجىن كيگەن قىز ساۋىردەن بەرى ءوزىنىڭ اعىل­شىن تىلىنەن ءبىلىمىن جە­تىل­دى­رىپ، دەنە ءبىتىمىن جاق­سار­تا ءتۇسۋى ءتيىس بولاتىن.

جاراتقان يەمىز كو­رىك­تەن كەندە قىلماعان ءم­ادينا ونەردەن دە قۇ­ر­ا­لاقان ەمەس. 14 جاسىن­دا ماي اۋدا­­نىنداعى باي­عابىل جىل­قىباەۆ اتىن­داعى ونەر مەك­تەبىنىڭ حورەو­گرافيا­لىق ديپلومىن العان.

بۇل كۇندەرى «قا­زاق­ستان ارۋى-2019» س.تو­رايعىروۆ اتىن­داعى پاۆلودار مەم­لە­كەتتىك ۋنيۆەر­سي­تەتىندە تۋريزم ما­مان­­دىعى بويىنشا ءبىلىم الىپ جاتىر. جە­­ڭىل اتلەتيكا­مەن، تەن­نيسپەن اينا­لى­سادى، فيتنەسكە بارادى.

ومىردەن جەكە با­قىتىن تاۋىپ، تىر­شى­لىكتە تابىستى بولۋدى ارماندايتىن قازاق قىزىن ەندى الدا ۇلكەن سىناق كۇتىپ تۇر. ول لوندوندا وتەتىن «الەم ارۋى» بايقاۋىندا ءوز سۇلۋلىعىن عانا ەمەس، بۇكىل قازاق حالقىنىڭ ورە-پاراساتىن پاش ەتۋى ءتيىس.

ماديناعا قازاقستاننىڭ سۇلۋلىق ءتاجىن كيگەن كەزدە 3 ميلليون تەڭگە جۇلدە، پاريجدە دۇكەن ارالاۋ، جارنامالىق اگەنتتىكتەرمەن كەلىسىمشارتتارعا وتىرۋ بۇيىرعانىمەن، ونىڭ ەڭ ۇلكەن باقىتى – بۇكىل ءبىر مەملەكەتتىڭ اتىنان «الەم ارۋى» باي­قاۋىنا قاتىسۋ بولاتىن.

– مەن تۋريزم سالاسى بويىنشا ءبىلىم الۋدى جالعاستىرا بەرەمىن. قازاقستانداعى ءتۋريزمدى دامىتۋعا كۇشىمدى سالامىن. ويتكەنى مەملەكەتىمىز ۇلكەن تۋريستىك الەۋەتكە يە، – دەيدى ءمادينا باتىق.

ءدال وسى كۇندەرى الەمدىك سا­يىس­قا جولداما العان سۇلۋ تۋرالى «قازاقستان ارۋى» جوباسىنىڭ ءتۇسىرۋ توبى «قازاق­ستان تۋرالى ادە­مىلىكپەن» اتتى تۇ­ساۋ­كەسەر ءفيلمىن جا­ساۋعا كىرىستى. «قازاقستان ارۋىن» «الەم ارۋى-2019» باي­قاۋىندا بۇكىل دۇنياعا تانىستىراتىن كارتينادا ۇلى دالامىزدىڭ ەڭ كورىكتى جەرلەرى، قاسيەتتى مەكەندەرى، ەلىمىزدىڭ عاجايىپ ولكەلەرى مەن تا­بيعات تاماشاسى دا قوسا سال­­تانات قۇ­راتىن بولادى.

ال تۇساۋكەسەردىڭ ستسە­­­ناريىن جاساعان ا.اح­مە­توۆا شابىتىنا OTYRAR SAZY&IFLY جوبا­سى­نىڭ «Yapyr-ai» كوم­پوزيتسيا­سى ارقاۋ بول­عا­نىن ايتادى.

ەندىگى جەردە ءتۇسى­رۋ توبىن اۋقىمدى جۇ­­­مىس كۇتىپ تۇر. شى­­عار­­ماشىلىق كومان­دا قازاقستان ارۋىمەن بىرگە ەلىمىزدىڭ ەڭ كو­رىكتى جەرلەرىن شار­لاپ، فيلمگە قا­زاق­­ستاننىڭ ادە­مى­لىگى مەن تاريحىن، ءداستۇرى مەن داستارقانىن سىيعىزۋعا كۇش سالادى.

بۇل روليكتىڭ باس­تى كەيىپكەرى، ارينە ءمادينا باتىق قازاق­ستاننىڭ كوگىلدىر كولى قايىڭدىعا، شارىن شاتقالدارى مەن ارحەو­لوگيالىق نىساندارىنا، كيەلى جەرلەرىنە اتپەن ساياحات شەگىپ، اساۋدى اۋىزدىقتاپ، قولعا ۇيرەتكەن قازاق دەگەن حالىق تۋرالى بايانداپ وتىرادى.

قازاقستان ارۋىن تانىستىراتىن تۇساۋكەسەر فيلم ەلىمىزدىڭ ءتۇرلى تابيعاتىن، اسقار تاۋلارى مەن بارقىت قۇم دالاسىن قامتي كەلە، ۇلى جىبەك جولى بويى­مەن ءجۇرىپ وتىرىپ، 20 جىلدا اسەم قالاعا اينالعان ەلىمىزدىڭ استاناسىندا مارەگە جەتەدى. وسىلايشا قازىر جيىرماعا تولعان ءمادينا باتىق شيرەك عاسىرعا دا جەتپەيتىن ارالىقتا مەگاپوليس شاھارعا اينالعان نۇر-سۇلتان قالاسى، قازاقستان تۋرالى ادەمىلىكپەن اڭگىمەسىن اياقتايدى.