بۇل جەتىستىكتەر جاڭا قازاقستاننىڭ نەگىزىن قالاعان, وسى ەلدىڭ ەكونوميكالىق جانە ساياسي دامۋىنىڭ ساۋلەتشىسى نۇرسۇلتان نازارباەۆتىڭ سىندارلى ساياساتىنىڭ جەمىسى. ول بۇرىنعى كەڭەس وداعىنان مۇراعا قالعان مەشەۋ ەكونوميكاعا يە قازاقستاندى الەۋمەتتىك, ادام قۇقىعى مەن دەموكراتيا سالالارىندا الەمدىك تالاپتارعا جاۋاپ بەرەتىن دامىعان مەملەكەتكە اينالدىردى.
2019 جىلى ن.نازارباەۆ مىرزانىڭ جاڭا پرەزيدەنت قاسىم-جومارت توقاەۆقا بيلىكتى بەيبىت تۇردە بەرۋى قازاقستانداعى دەموكراتيانىڭ ءبىر ۇلگىسىنە جاتادى. بۇل قازاقستانعا كورشى ەلدەر ءۇشىن توسىن جايت.
ورتالىق ازيا جانە كاۆكاز ەلدەرىنە كوز جۇگىرتسەك, وسى ەلدەردىڭ وتكەن 27 جىلدا ساياسي, ەكونوميكالىق جانە مادەني دامۋىنا كەدەرگى بولعان ۇلتارالىق جانە ءدىني قاقتىعىستارعا كۋا بولامىز. بىراق ن.نازارباەۆ مىرزانىڭ قىراعى ساياساتى ۇلتتىق مۇددەنى قورعاۋ جانە قاۋىپسىزدىك ماسەلەلەرىندە وسى ەل حالقىنىڭ بىرلىگىنە جانە قازاقستاننىڭ الەمدەگى دەموكراتيالىق ءارى دامىعان ەل رەتىندە تانىلۋىنا جول اشتى.
قازاقستاننىڭ ايماق پەن الەمدەگى ەرەكشە ءرولى ماداقتاۋعا لايىق. الماتىدا يراننىڭ يادرولىق كەلىسسوزدەرىنىڭ وتكىزىلۋى, نۇر-سۇلتاندا سيريادا بەيبىتشىلىك ورناتۋ ءۇشىن وتىرىستاردىڭ ۇيىمداستىرىلۋى, قازاقستاننىڭ شىۇ-عا مۇشەلىگى, يىۇ-عا توراعالىق ەتۋى قازاقستان حالقى مەن ۇكىمەتى ءۇشىن ۇلكەن جەتىستىك.
سوندىقتان پرەزيدەنت قاسىم-جومارت توقاەۆتىڭ ەل حالقىنا جولداۋى قازاقستاننىڭ دامۋىن, قاۋىپسىزدىگىن قامتاماسىز ەتۋگە باعىتتالعان ءارى ن.نازارباەۆ مىرزا قالاپ كەتكەن ەلدىڭ دامۋى باعىتىن ودان ءارى جالعاستىرۋعا مۇمكىندىك بەرەدى.
قازاقستان پرەزيدەنتىنىڭ جولداۋىندا وتە ماڭىزدى ماسەلەلەرگە ءمان بەرىلگەن:
- مەملەكەتتىك ورگاندار مەن حالىقتىق ۇيىمداردا دەموكراتيانى نىعايتۋ. ازاماتتاردىڭ قۇقىعى ۇكىمەتتىك قۇرىلىمنىڭ نەگىزى بولىپ تابىلادى;
- ەكونوميكالىق دامۋعا قول جەتكىزۋ, قازاقستاننىڭ دامۋى جانە ونى حالىقارالىق ايدىندا دامىعان ەلگە اينالدىرۋ ءۇشىن عىلىم مەن جاڭا تەحنولوگيالاردى پايدالانۋ;
- ۇلتتىق تاتۋلىق, قازاقستان ازاماتتارى رەتىندە بارلىق ەتنوستاردىڭ قۇقىقتارىنا قۇرمەت كورسەتۋ, ءدىني عۇرىپتارىن جاساۋىنا كومەكتەسۋ, ۇكىمەتتىڭ جاڭا قازاقستاننىڭ نەگىزى بولىپ تابىلاتىن حالىقتىڭ بارلىق ازاماتتىق قۇقىقتارىن قولداۋى;
- سىرتقى ساياساتتى دامىتۋ, حالىقارالىق ايدىندا بەلسەندى ءرول ويناۋ ءۇشىن ايماق جانە الەم ەلدەرىمەن حالىقارالىق بايلانىستى نىعايتۋ, مىڭداعان جىلدىق تاريحى بار قازاقستان حالقىنىڭ جەتىستىكتەرىن, تەحنولوگيالاردى يگەرۋىن, دەموكراتيالىق ۇكىمەتىن پاش ەتۋ.
قازاقستان پرەزيدەنتىنىڭ جولداۋى ساياسي, ەكونوميكالىق, قاۋىپسىزدىك جانە مادەني سالالاردا نۇسقاۋلىق جانە جول كارتاسى بولىپ تابىلادى. وپپوزيتسيانىڭ نارازىلىق ءبىلدىرۋ قۇقىعىن مويىنداپ قانا قويمايدى, سونىمەن قاتار كەلىسسوزدەر جانە ۇلتتىق تاتۋلىق پەن بىرلىكتى ساقتاۋ ءۇشىن پايدالى جولداردى ۇسىنادى.
ميرگاسەم مۋمەني,
«چەشماندوزە ابرورە ناۆين» زەرتتەۋ ورتالىعىنىڭ باس ديرەكتورى, حالىقارالىق قاتىناستار جونىندەگى ساراپشى (يران)
