باس حاتشى مەن مينيستر الداعى 15 قازاندا باكۋ قالاسىندا وتەتىن تۇركى كەڭەسىنىڭ 7-ءشى ءسامميتىنىڭ دايىندىق ماسەلەلەرىن تالقىلادى.
كەزدەسۋدە م.تىلەۋبەردى تمىك-تىڭ 7-ءشى ءسامميتى بارلىق مۇشە مەملەكەتتەردىڭ مۇددەلەرىنە قىزمەت ەتەتىن حالىقارالىق ۇيىمنىڭ تاريحىنداعى ايرىقشا وقيعا بولاتىنىن اتاپ ءوتتى.
ب.امىرەەۆ پەن م.تىلەۋبەردى وزبەكستاننىڭ تۇركى كەڭەسىنە تولىققاندى مۇشە رەتىندە كىرۋىنە, بايقاۋشى ەل ۆەنگريادا كەڭەستىڭ ەۋروپالىق وفيس-وكىلدىكتىڭ اشىلۋىنا, ۇيىمنىڭ ەكونوميكالىق ۆەكتورىنىڭ نىعايۋىنا, سونداي-اق ونىڭ باسقا دا حالىقارالىق ۇيىمدارمەن ىنتىماقتاستىقتىڭ بارىسىنا زور قاناعاتتانۋشىلىق ءبىلدىردى.
سىرتقى ىستەر ءمينيسترى باس حاتشىعا ۇيىمعا مۇشە مەملەكەتتەر اراسىنداعى ىنتىماقتاستىقتى ودان ءارى كەڭەيتۋ جولىنداعى جۇمىستارىنا ساتتىلىك تىلەپ, الداعى سامميت تۇركى كەڭەسىنە مۇشە ەلدەردىڭ بىرلىگىنىڭ ودان ءارى نىعايتۋ جولىندا ماڭىزدى ءبىر قادام بولاتىنىنا سەنىم ءبىلدىردى, دەپ حابارلادى تۇركى كەڭەسى حاتشىلىعىنىڭ ءباسپاسوز قىزمەتى.
