مەملەكەت باسشىسىنا ۇلتتىق بانك قىزمەتىنىڭ جانە ەلىمىزدەگى قارجى نارىعىنىڭ سوڭعى 9 ايداعى جاعدايى, ينفلياتسيانى نىسانالى ءدالىز شەڭبەرىندە ساقتاۋ, ەكونوميكانى نەسيەلەندىرۋدىڭ ساپالى ءوسۋىن قامتاماسىز ەتۋ تۋرالى باياندالدى. سونىمەن قاتار جەڭىلدىكپەن نەسيەلەۋ باعدارلامالارىن ىسكە اسىرۋ شارالارى, ەكىنشى دەڭگەيلى بانكتەر اكتيۆتەرىنىڭ ساپاسىن تاۋەلسىز باعالاۋ جونىندە مالىمەت بەرىلدى.
ە.دوساەۆ مەملەكەت باسشىسىنىڭ بۇعان دەيىن بەرگەن تاپسىرمالارىنىڭ ورىندالۋ بارىسى جايىنا دا توقتالدى. اتاپ ايتقاندا, ۇلتتىق بانك توراعاسى پرەزيدەنتتىڭ قيىن جاعدايعا تاپ بولعان ازاماتتاردىڭ تۇتىنۋ نەسيەلەرى بويىنشا قارىزدارىن كەشىرۋ, ايىپپۇلدار مەن ءوسىمپۇلداردى قىسقارتۋ جونىندەگى تاپسىرماسى بويىنشا اتقارىلعان جۇمىستاردىڭ قورىتىندىسى تۋرالى ايتتى.
پرەزيدەنت ۇلتتىق بانك توراعاسىنا قارجى سەكتورىنداعى جۇمىستاردى ءتيىمدى ۇيلەستىرۋدى تاپسىردى.
