- الداعى ۋاقىتتا جاڭا زاڭ اياسىندا مۇعالىمدەردىڭ جالاقى مولشەرىن ۇلعايتۋ, قوسىمشا ەڭبەك ءۇشىن ۇستەمەاقى تولەۋ, زاڭسىز تەكسەرىستەردى بولدىرماۋ جۇيەلى جولعا قويىلادى. مۇعالىمنىڭ ار-وجدانى مەن قادىر-قاسيەتىن قورعاۋ, بولاشاق ىرگەسى – ءبىلىمدى جاستاردى ىزگىلەندىرۋدە اتقارعان ەڭبەگىن ءوز دەڭگەيىندە باعالاۋ, الەۋمەتتىك ءارى ماتەريالدىق قولداۋ كورسەتۋ ىسكە اسادى. جاڭا زاماننىڭ جاس ۇرپاعىنا ساپالى ءبىلىم بەرۋ ءۇشىن پەداگوگتار دا كاسىبي ءبىلىم-بىلىكتىلىگىن جان-جاقتى جەتىلدىرىپ, ۇزدىكسىز ىزدەنىس داعدىسىن قالىپتاستىرۋى ءتيىس, دەدى ايماق باسشىسى سەرىكباي ترۇموۆ.
ماڭعىستاۋ وبلىسى اكىمدىگىنىڭ باستاماسىمەن جىل سايىن وتكىزىلەتىن ء«بىلىم ۇزدىگى» كونكۋرسىنىڭ ماڭىزى زور. وسى جىلى كونكۋرسقا قاتىسۋ ءۇشىن 160 پەداگوگ جانە 22 ءبىلىم بەرۋ ۇيىمى قۇجاتتارىن ۇسىنعان. «ۇزدىك اۋىل مەكتەبى» العاشقى نوميناتسياسى بويىنشا تۇپقاراعان اۋدانى اقشۇقىر مەكتەپ ليتسەيى ۇزدىك دەپ تانىلدى. بۇل ءبىلىم ورداسى «يۋنەسكو كلۋبى» قۇرامىنا ەنگەن. «ۇزدىك قالا مەكتەبى» نوميناتسيا بويىنشا ء«بىلىم-يننوۆاتسيا» ليتسەيىنە, «ۇزدىك تەحنيكالىق جانە كاسىپتىك ءبىلىم بەرۋ ۇيىمى» نوميناتسيا بويىنشا حالەل وزبەكعاليەۆ اتىنداعى ماڭعىستاۋ پوليتەحنيكالىق كوللەدجىنە, «ۇزدىك مەكتەپكە دەيىنگى ۇيىم» نوميناتسيا بويىنشا قاراقيا اۋدانى «ايگولەك» بالاباقشاسىنا, «ۇزدىك قوسىمشا ءبىلىم بەرۋ ۇيىمى» نوميناتسيا بويىنشا ابىل تاراق ۇلى اتىنداعى بالالار ونەر مەكتەبىنە 1 ميلليون تەڭگە سىياقى تابىستالدى.
پەداگوگتار وتباسىن ناسيحاتتاۋ جانە الەۋمەتتىك قولداۋ ماقساتىندا وبلىستا جىل سايىن «ۇلگىلى پەداگوگ وتباسى» سايىسى وتكىزىلىپ تۇرادى. بيىل وسى نوميناتسيا بويىنشا باس جۇلدەنى دجامالوۆتار جانۇياسى يەلەندى.
سونىمەن قاتار 12 نوميناتسيا بويىنشا جانە «جىل مۇعالىمى» نوميناتسياسىنىڭ ءىى ورىنعا يە بولعان ۇستازدارىنا ارناپ 500 مىڭ تەڭگە مەن وبلىستىق كاسىپوداق ۇيىمىنىڭ اتىنان ششۋچينسك شيپاجايىنا جولداما بەرىلدى.
ولكەدە اۋلەتىمەن مۇعالىمدىك قىزمەتتى تاڭداپ, ۇستازدار ديناستياسىن قۇرعان كورپەليەۆتەر جانۇياسى, 500 مىڭ تەڭگە سەرتيفيكاتپەن ماراپاتتالدى.
سونداي-اق, ءوز ماماندىعىنىڭ كاسىبي يەلەرى قر ءبىلىم جانە عىلىم مينيسترلىگىنىڭ «ەڭبەك ارداگەرى» مەدالىن, ەكى مۇعالىم «ىبىراي التىنسارين», ءۇش مۇعالىم ء«بىلىم بەرۋ ءىسىنىڭ قۇرمەتتى قىزمەتكەرى» توسبەلگىلەرىن, تاعى 19 ۇستاز وبلىس اكىمىنىڭ العىس حاتتارىن الدى.
ماڭعىستاۋ وبلىسى
