جۇيە ىسكە قوسىلعان 2017 جىلدىڭ 1 شىلدەسىنەن 2019 جىلدىڭ 6 قىركۇيەگىنە دەيىنگى ارالىقتا بارلىعى 1 ملن 373 مىڭ الماتىلىق تۇرعىننىڭ اتىنا 42,6 ملرد تەڭگە اۋدارىلعان. بۇل تۋرالى مسق الماتى قالالىق فيليالىنىڭ ءباسپاسوز قىزمەتى حابارلايدى.
«بۇل سومانىڭ ىشىندە بىرىڭعاي جيىنتىق تولەم دە بار. اتاپ ايتقاندا, جىل باسىنان بەرى ءوزىن-ءوزى جۇمىسپەن قامتىعان 3,5 مىڭنان استام الماتىلىق 10,1 ملن تەڭگە كولەمىندە بىرىڭعاي جيىنتىق تولەم تولەگەن», – دەدى الماتىدا وتكەن بريفينگتە مسق قالالىق فيليالى ديرەكتورى تىلەۋحان ابىلداەۆ.
وڭتۇستىك استانادان تۇسكەن تۇسىمدەردىڭ نەگىزگى بولىگى نەمەسە 40,1 ملرد تەڭگەسى – جۇمىس بەرۋشىلەردىڭ قاراماعىنداعى جۇمىسكەرلەرىنىڭ اتىنا اۋدارعان اۋدارىمدارى. 2017 جىلدان باستاپ جارنا اۋدارۋعا مىندەتتەلگەن بۇل سانات جۇمىسكەرلەردى ساقتاندىرۋدى توقتاتقان جوق.
ساقتاندىرۋ ەنگىزىلگەن كەيىن, 2017 جىلدىڭ ەكىنشى جارتىسىندا ءوزى ءۇشىن جارنا اۋدارعان جەكە كاسىپكەرلەر مەن ازاماتتىق-قۇقىقتىق كەلىسىمشارت نەگىزىندە ەڭبەك ەتەتىن تۇلعالار سوڭعى ەكى جىلدا ساقتاندىرۋ تولەمدەرىنەن بوساتىلعان بولاتىن. ولار جارنانى وزگە ساناتتارمەن بىرگە 2020 جىلدىڭ قاڭتارىنان باستاپ اۋدارا باستاماق.
ەستەرىڭىزگە سالا كەتسەك, قورعا تۇسكەن قاراجات ۇلتتىق بانكىندە ساقتالادى جانە 2020 جىلدان باستاپ ءمامس شەڭبەرىندە كورسەتىلەتىن قىزمەتتەردىڭ اقىسىن تولەۋگە جۇمسالادى.
