بيىلعى جىل 19 جاستاعى قازاق ارۋى ءۇشىن ءساتتى باستالعان ەدى. ول كراسنويارسكىدە الاۋى تۇتانعان دۇنيەجۇزىلىك ۋنيۆەرسيادادا, اناحايمدا ۇيىمداستىرىلعان ء«تورت قۇرلىق بىرىنشىلىگىندە» جانە سايتامادا وتكەن الەم چەمپيوناتىندا كۇمىس مەدالداردى موينىندا جارقىراتىپ, بارشا جانكۇيەرلەردىڭ زور قوشمەتىنە بولەندى. دەسەك تە سودان كەيىن جاراقات العان جەرلەسىمىز ۇزاق ۋاقىت بويى ەمدەلدى. مىنە, ەندى ەليزابەت قايتا مۇز ايدىنىنا ورالىپ, اسپاناستى ەلىندە وتەتىن كوممەرتسيالىق تۋرنيردە باق سىناۋعا بەل بۋىپ وتىر.
بۇل جارىستا دا ءبىز قازاق ەلىنىڭ ماقتانىشى اينالعان سپورتشى قىزعا تابىس تىلەيمىز.
ەليزابەت تۇرسىنباەۆادان بولەك, ايتۋلى دودادا وليمپيا ويىندارىنىڭ ەكى دۇركىن كۇمىس جۇلدەگەرى, ەكى دۇركىن الەم جانە ەۋروپا چەمپيونى, رەسەيلىك ەۆگەنيا مەدۆەدەۆا باستاعان بىرقاتار ايگىلى مانەرلەپ سىرعاناۋشىلار ونەر كورسەتەدى.
