رۋحانيات • 02 قازان، 2019

حالىقارالىق ەكسپەديتسيا مۇشەلەرى قۇرمانعازى كەسەنەسىنە زيارات ەتتى

102 رەتكورسەتىلدى

جوشى ۇلىسى – التىن وردا استانالارى «سارايشىق – ساراي-باتۋ – ساراي بەركە قالالارى ىزىمەن» اتتى حالىقارالىق عىلىمي-زەرتتەۋ، تۋريستىك ەكسپەديتسياسى رەسەيدىڭ استراحان وبلىسى، ۆولودار اۋدانى، التىنجار اۋىلىنداعى «قۇرمانعازى» وڭىرلىك مادەني ورتالىعىندا بولدى.

ۇلى كۇيشى قۇرمانعازى ساعىرباي ۇلىنىڭ كەسەنەسىنە زيارات ەتىپ، قۇران باعىشتادى.سونىمەن قاتار مادەني ورتالىق قىزمەتىمەن تانىسىپ، ءوزارا ىنتىماقتاستىق جونىندە پىكىر الماستى.

ايتا كەتەيىك، ۇلى كۇيشىنىڭ باسىنا 1996 جىلى تۇرعىزىلعان كەسەنە دە، 2005 جىلى التىنجار اۋىلىندا اشىلعان مادەني ورتالىق تا قازاقستاننىڭ كۇشىمەن سالىنعان. كيىز ءۇي فورماسىنداعى ءۇش عيماراتتان تۇراتىن ورتالىق كەشەنىن اتىراۋ، باتىس قازاقستان جانە ماڭعىستاۋ وبلىستارى تۇرعىزعان. مۇندا قازىر مۋزەي، ساز مەكتەبى جانە قوناق ءۇي كەشەنى جۇمىس ىستەيدى.

- اتامىزدىڭ باسىنا كەسەنە كوتەرىلگەن سوڭ الىس-جاقىننان ارنايى كەلۋشىلەر كوبەيدى. مەيمانداردى قابىلداپ الاتىن قوناقۇي قاجەتتىگى ءبىلىندى. قازىر قۇرمانعازى اتىنداعى وڭىرلىك مادەني ورتالىق استراحان وبلىسىندا عانا ەمەس، الىس-جاقىن شەتەلدەرگە دە تانىمال نىسانعا اينالدى. قازاقستان، سونىڭ ىشىندە اتىراۋ وبلىسى بىلتىر ورتالىق عيماراتتارىنا كۇردەلى جوندەۋ جۇرگىزىپ بەردى، - دەيدى مادەني ورتالىق ديرەكتورى امانگەلدى ابىلعازيەۆ.

بۇگىن ەكسپەديتسيا مۇشەلەرى استراحان وبلىستىق تاريحي-ولكەتانۋ مۋزەيىندە بولىپ، سارايشىق تاريحىنان سىر شەرتەتىن شاعىن كورمە ۇيىمداستىرماق. سوسىن التىن وردا حاندارى جەرلەنگەن دەلىنەتىن لاپاس كونە قورىمىن جانە ساراي باتۋ شاھارىنىڭ ورنىن ارالايدى.

وسىعان دەيىن جوشى ۇلىسى استانالارى «سارايشىق – ساراي-باتۋ – ساراي بەركە قالالارى ىزىمەن» اتتى حالىقارالىق عىلىمي-زەرتتەۋ ەكسپەديتسياسى جولعا شىققانىن حابارلاعان ەدىك.

1

1

سوڭعى جاڭالىقتار

قايتا ورالعان قۇمارشىق

ايماقتار • كەشە

حازىرەتتەر قازىناسى

رۋحانيات • كەشە

زاڭ كەرەك!

ەكولوگيا • كەشە

يت جۇگىرتىپ، قۇس سالدى

ايماقتار • كەشە

سەنىم ءھام سەرپىن

رۋحانيات • كەشە

ۇقساس جاڭالىقتار