تۇساۋكەسەر كەزدەسۋىندە جەرلەسىمىز رەسەيلىك اننا بلينكوۆانى 6:0, 6:1 ەسەبىمەن ويسىراتا ۇتقان ەدى. ەكىنشى كەزەڭدە ونىڭ جولى ەشلي بارتيمەن قيىستى. 23 جاستاعى اۆستراليالىق تەننيسشى قازىرگى كەزدە الەمدىك رەيتينگتە كوش باستاپ تۇر. وسى كۇنگە دەيىن WTA تۋرنيرلەرىندە 16 مارتە توپ جارعان ول بيىل «رولان گارروس» دوداسىنىڭ جەڭىمپازى اتاندى. سونىمەن قاتار اۆستراليانىڭ اشىق بىرىنشىلىگىندە شيرەك فينالعا دەيىن جەتتى.
مىنە, ءبىزدىڭ يۋليا پۋتينتسەۆاعا وسىنداي مىقتىمەن بەيجىڭدەگى جارىستىڭ ەكىنشى اينالىمىندا كەزدەسۋىنە تۋرا كەلدى. 1 ساعات 17 مينۋتكە سوزىلعان بۇل باسەكە 6:4, 6:2 ەسەبىمەن ءبارتيدىڭ پايداسىنا شەشىلدى.
ايتۋلى ءتۋرنيردىڭ ايەلدەر سايىسىندا ەشلي بارتيدەن بولەك, جاپونيالىق ناومي وساكا,ۋكراينالىق ەلينا سۆيتولينا, چەحيالىق پەترا كۆيتوۆا, رۋمىنيالىق سيمونا حالەپ جانە تاعى باسقا مىقتى ويىنشىلار ءساتتى ونەر كورسەتۋدە.
