سپورت • 01 قازان, 2019

شايبالى حوككەي: «بارىس» قىتايدىڭ «كۋنلۋن» كلۋبىنان ۇتىلدى

230 رەت
كورسەتىلدى
1 مين
وقۋ ءۇشىن

قۇرلىقتىق حوككەي ليگاسىنىڭ (قحل) كەزەكتى تۋرداعى ويىنىن نۇر-سۇلتاندا وتكىزگەن جەرگىلىكتى «بارىس» قىتايدىڭ «كۋنلۋن» كلۋبىنان ۇتىلدى.

شايبالى حوككەي: «بارىس» قىتايدىڭ «كۋنلۋن» كلۋبىنان ۇتىلدى

العاشقى گولدى ءبىرىنشى كەزەڭنىڭ سوڭىندا سپەنسەر فۋ سالعانىمەن, ايدىن يەلەرى تابلداعى ەسەپتى تەز-اق وگەرتتى. اتاپ ايتساق, 22 جانە 23 مينۋتتاردا يرو پاكارينەن مەن رومان ستارچەنكو سوققان شايبالاردان كەيىن جەرلەستەرىمىز العا شىقتى.

الايدا سودان كەيىن قارقىنىن كۇرت كۇشەيتكەن قوناقتار قاتارىنان ءۇش مارتە نىسانانى ءدال كوزدەپ, ايقىن جەڭىسكە قول جەتكىزدى. ەسەپ – 2:5. بۇل گولداردىڭ اۆتورلارى – برەندون يپ (24 مينۋت), وللا پالولا (45 مينۋت), ترەۆور ميورفي (52 مينۋت) جانە لۋكاس لوكحارت (56 مينۋت).   

وسىلايشا, وتكەن تۋرلاردا قاتارىنان ءتورت كەزدەسۋدە جەڭىسكە جەتكەن «بارىس» بۇل جولى ۇتىلدى. وسى كۇنگە دەيىن 14 رەت مۇز ايدىنىنا شىققان نۇرسۇلتاندىقتاردىڭ قورجىنىندا 14 ۇپاي بار. تۇراقتى بىرىنشىلىكتىڭ جارىس كەستەسىندە ولار 8-ورىندى يەلەنۋدە.

ەرتەڭ ءبىزدىڭ حوككەيشىلەر تومەنگى نوۆگورودتىڭ «تورپەدوسىن» قابىلدايدى. 

 

 

 

سوڭعى جاڭالىقتار