جەتىباي اۋىلىنىڭ ەكولوگيالىق احۋالى جانە اۋىل شارۋاشىلىعىن دامىتۋ, ايماقتىڭ «جاسىل ەكونوميكاعا» دايىندىعى تۋرالى ماسەلەلەر ءسوز بولدى. سونىمەن قاتار 2019 جىلعا ارنالعان ازىق-ت ۇلىك ونىمدەرىنىڭ قاۋپسىزدىگى جونىندە جاسالعان تالداۋ جۇمىستارى جانە مونيتورينگ جايلى دا ايتىلدى.
ايتا كەتۋ كەرەك, بۇل ءىس-شارا اقپارات جانە قوعامدىق دامۋ مينيسترلىگى مەن حالىقارالىق ەكولوگيا اكادەمياسىنىڭ قولداۋىمەن ءوتتى. ال قارجىلاي قولداۋ «ازاماتتىق باستامالاردى قولداۋ ورتالىعى» كەۇ تاراپىنان «قازاقستاننىڭ ەكولوگيالىق قورى» قوعامدىق بىرلەستىگىنىڭ «بالالار جانە قورشاعان ورتانى قورعاۋ» جوباسىن جۇزەگە اسىرۋ اياسىندا جۇرگىزىلۋدە.
دوڭگەلەك ۇستەلگە ماڭعىستاۋ وبلىسى ەكولوگيا دەپارتامەنتىنىڭ وكىلدەرى ع.مەڭدىعالي جانە م.قۇرمانعاليەۆ قاتىستى.
دەپارتامەنت وكىلى ەكولوگيالىق رەتتەۋ ءبولىمىنىڭ نەگىزگى قىزمەتتەرىنە قىسقاشا توقتالىپ وتكەن بولاتىن. اسىرەسە, قورشاعان ورتانى جاقسارتۋ, ەكولوگيالىق قاۋىپسىزدىكتى قامتاماسىز ەتۋ, تابيعي رەسۋرستاردى ساقتاۋ جانە قوعامدا ەكولوگيالىق تۇرعاقتىلىق دەڭگەيىندە قولايلى جاعدايعا قول جەتكىزۋ, مەملەكەتتىك ەكولوگيالىق ساراپتامالار قالاي جۇرگىزىلەتىندىگى جانە ەميسسياعا رۇقسات بەرۋ ءتارتىبى تۋرالى ايتىپ بەردى.
باسقوسۋدا, اسىرەسە, جەتىباي اۋىلىندا تازا ەكولوگيالىق اۋىلشارۋاشىلىعى ونىمدەرىن ءوندىرۋ, ەگىنشىلىك جانە مال شارۋاشىلىقتارىن ودان ءارى دامىتۋ جولدارى, ەكونونىمدەردى جانە تاۋارلاردىڭ ەرەكشەلىكتەرىن انىقتاۋ سۇراقتارىنا كوبىرەك كوڭىل ءبولۋ قاجەتتىگى ءسوز بولدى, اسىرەسە, ەكونونىمدەر جۇيەسىن سەرتيفيكاتتاۋدى رەتتەۋ جانە اۋىلشارۋاشىلىعى قىزمەتىن ەكولوگيالاۋ مەحانيزمدەرىن جەتىلدىرۋ قاجەتتى ايتىلدى.
ەگەر اۋىل شارۋاشىلىعى سالاسى ءوز دەڭگەيىندە قولداۋ تاۋىپ وتىرسا, ماڭعىستاۋ وڭىرىندە ەكوونىمدەر رىنوگى قارقىن الا تۇسەرى ءسوزسىز دەپ قورىتىندىلادى دوڭگەلەك ۇستەلگە قاتىسقاندار.
ماڭعىستاۋ وبلىسى
