ەكولوگتار ۇجىمى دەپارتامەنت اۋماعىن تازالاۋعا بەلسەنە قاتىستى. اۋماق بىرنەشە ۋچاسكەگە ءبولىنىپ, ارقايسىسىنا جاۋاپتى ادام بەكىتىلدى. جاڭبىرلى اۋا رايىنا قاراماستان, تازالىق ساقشىلارى ۇيىمشىلدىق تانىتتى. كوبىنە پلاستيك, مەتالل جانە شىنى جينالدى. ەكى ساعاتتىڭ ىشىندە سەنبىلىككە قاتىسۋشىلار بىرنەشە قاپشىق قوقىس جينادى.
ايتا كەتۋ كەرەك, وسىنداي تازالىق اكتسيالارى بارىسىندا قالالار مەن قالا ماڭى اۋماقتارى تۇرمىستىق كۇل-قوقىستاردان تازارتىلىپ تۇرادى. اۋماقتىق ەكولوگيا دەپارتامەنتىنىڭ باسشىسى رۋسلان تۋكەنوۆتىڭ ايتۋىنشا, قورشاعان ورتانى قورعاۋ شاراسىنا قاتىسۋعا نيەت بىلدىرۋىشىلەر سانى جىل ساناپ ارتىپ كەلە جاتقاندىعى قۋانتادى.
- كەز كەلگەن كاسىپورىن ءۇشىن وزدەرىنە تيەسىلى جەردى كورىكتەندىرۋ, قوقىستان ارىلتۋ - باستى جۇمىستاردىڭ ءبىرى بولۋى ءتيىس. ەگەر اۋماق ۇنەمى تازارتىلىپ تۇرسا, ەكولوگيالىق جاعداي جاقسارا تۇسەدى. وسىنداي جۇمىستارعا بەلسەنە ارالاسىپ, تابيعاتتى قورعاپ, اقتاۋدىڭ تازا قالا ستاتۋسىن كوتەرۋىمىز كەرەك, - دەيدى رۋسلان كاريم ۇلى.
ماڭعىستاۋ وبلىسى
