كەزدەسۋ بارىسىندا قر ءبىلىم جانە عىلىم مينيسترلىگى عىلىم كوميتەتى زوولوگيا ينستيتۋتى تەريولوگيا زەرتحاناسىنىڭ اعا عىلىمي قىزمەتكەرى التىنبەك جانىسپاەۆ قازاقستاندا مەكەندەيتىن ءىلبىس تۋرالى قىزىقتى مالىمەتتەرمەن ءبولىستى.
بالالار كەزدەسۋدە قار بارىسى جويىلىپ كەتۋدىڭ از-اق الدىندا تۇرعان سيرەك ءتۇر ەكەندىگى, ونىڭ حالىقارالىق تابيعاتتى قورعاۋ وداعىنىڭ قىزىل تىزىمىنە جانە ول مەكەندەيتىن قازاقستان, قىرعىزستان, وزبەكستان, تاجىكستان, اۋعانستان, پاكىستان, ءۇندىستان, نەپال, بۋتان, قىتاي, موڭعوليا جانە رەسەي بارلىعى 12 ەلدىڭ ۇلتتىق قىزىل كىتاپتارىنا ەنگىزىلگەنى تۋرالى كوپ ماعلۇمات الدى. ءىلبىس تەك قازاقستاننىڭ نىشانى عانا ەمەس, سونىمەن قاتار «شين-لاين» كومپانياسىنىڭ سيمۆولى, جانۋار كومپانيانىڭ لوگوتيپىندە بەينەلەنگەن. بۇل پاتشالىق اڭ بەكزاتتىقتى, كۇش پەن ەرلىكتى سيپاتتايدى.
بالالار مەن جاسوسپىرىمدەر عالىمنىڭ اسەرلى اڭگىمەسىن قىزىعا تىڭداپ, تولاسسىز سۇراقتاردىڭ استىنا الدى.
«مۇنداي كەزدەسۋلەر بالالارعا جاڭا دۇنيەلەردى بىلۋگە عانا ەمەس, سونىمەن قاتار بولاشاق ماماندىعىن تاڭداۋعا داتۇرتكى بولا الادى. كىم بىلەدى, مۇمكىن, جىلدار وتە وسى بالالار ءۇيىنىڭ بۇرىنعى تاربيەلەنۋشىسى وزگە بالالارعا سيرەك كەزدەسەتىن جانۋارلار تۋرالى ءدارىس وقيتىن شىعار. نەمەسە بەلگىلى سۋرەتشى اتانادى», دەيدى التىنبەك جانىسپاەۆ.
كەزدەسۋدەن كەيىن بالالار اراسىندا وتكەن «قار بارىسى − قازاقستاننىڭ سيمۆولى» اتتى سۋرەت بايقاۋى قورىتىندىلاندى. ءار ءتۇرلى جاس توبىنداعى بەس جەڭىمپاز ءۇشىن «شين-لاين» كومپانياسى جيۆوپيس بويىنشا الماتىدا وتەتىن شەبەرلىك-سىنىبىن ۇيىمداستىردى, وعان جاقىن ۋاقىتتا بالالار بارماق. كومپانيا اتاپ وتكەندەي, شەبەرلىك سىنىبى بالالارعا جاڭا داعدىلار مەن ءبىلىم الۋعا, سونداي-اق ءوزىنىڭ دارىندىلىعىن اشۋعا جانە جاڭا سۋرەتتەرگە شابىتتاندىرۋعا مۇمكىندىك بەرەدى.
ء«بىزدىڭ كومپانيا «كوۆچەگ» بالالار ءۇيى ءۇشىن ۇنەمى ءىس-شارالار وتكىزەدى. ءبىز ءۇشىن بۇل – الەمدى كىشكەنە جاقسارتۋعا مۇمكىندىك, اتا-انا ماحابباتىنان ايىرىلعان بالالارعا جارقىن بولاشاققا مۇمكىندىك سىيلاۋ, ولارعا ءوز-وزىنە سەنۋگە جانە ومىردە ءوز جولىن تاڭداۋعا جول اشۋ», – دەپ اتاپ ءوتتى «شين-لاين» كومپانياسىنىڭ باس ديرەكتورى ۆلاديمير پاك.
«كوۆچەگ» بالالار ءۇيىنىڭ ديرەكتورى مارينا سۋگاكوۆا تاربيەلەنۋشىلەر ءۇشىن وسىنداي كەزدەسۋلەر وتە ماڭىزدى ەكەنىن تىلگە تيەك ەتتى. ويتكەنى, ولار بالالارعا قورشاعان ورتانى جەتە تانۋعا, ونى ءسۇيىپ, قامقورلىق جاساۋعا, جاڭا ادامدارمەن جانە ولاردىڭ اۋەستىكتەرىمەن تانىسۋعا, ءوزىنىڭ بولاشاق ماماندىعىن سانالى تۇردە تاڭداۋعا قادام جاساۋعا كومەكتەسەدى.
