وعان ءوزىمىزدىڭ ەلدەن باسقا وزبەكستان, قىرعىزستان, رەسەي ەلدەرىنەن جيىرما شاقتى تانىمال سۋرەتشىلەر قاتىسىپ, ون كۇن بويى ەسىلدىڭ «يمان- بۇرلىق» اتالاتىن وڭ ساعاسىنىڭ بويىنا ورنالاسقان العاشقى ادامداردىڭ بوتاي قونىسىنداعى قوناقۇيگە جايعاسىپ, سۋرەتتەر سالعان ەدى. ادام بالاسىنىڭ جىلقىنى العاش قولعا ۇيرەتكەنى دە وسى جەر ەكەندىگى قازىر الەمگە ايگىلى. بۇل جەردەن العاشقى ادامدارعا تيەسىلى 300-دەن ارتىق ارتەفاكتىنىڭ تابىلعانىن دا ايتا كەتكەن ءجون.
كۇزدىڭ سارى التىنداي جايماشۋاق كۇندەرى دە سۋرەتشىلەردىڭ شىعارماشىلىعىنا قولايلى جاعداي تۋعازعان. بىراق اراسىندا تەرىستىكتىڭ قارا داۋىلى تۇرىپ كەتىپ, ولاردى ابىگەرگە سالعان كەزدەرى دە بولىپتى. نە دە بولسا جۇزدەرى جەل قاعىپ, قاراقوشقىلدانعان سۋرەتشىلەردىڭ كوڭىل-كۇيلەرى جاقسى كورىندى.
وتكەن جۇما كۇنى سولتۇستىك قازاقستان وبلىستىق ولكەتانۋ مۋزەيىندە قىلقالام شەبەرلەرىنىڭ سالعان سۋرەتتەرىنىڭ كورمەسى بولدى. بوتايدىڭ ەرەكشەلىگى مەن ماڭىزىن, تەرەڭ تاريحىن ءوز قولدارىمەن الەمگە تانىتا ءتۇسۋدى ويلاعان ولاردىڭ ەڭبەكتەرىن قىزىلجاردىڭ زيالى قاۋىمى قىزىعۋشىلىقپەن تاماشالادى.
كورمەنىڭ اشىلۋ سالتاناتىندا وبلىس اكىمىنىڭ ورىنباسارى رۋسلان الىشەۆ سويلەپ, وبلىس اۋماعىنداعى اتاقتى ەسكەرتكىشتى حالىقارالىق دەڭگەيدە تانىستىرا بەرۋدىڭ وسىنداي ءادىسىن جاساعاندارىن ايتتى جانە بۇل ءىس وبلىستىڭ تۋريزم سالاسىن دامىتۋعا ءوز ۇلەسىن قوساتىنىنان ءۇمىتتى ەكەنىن جەتكىزدى. ء"بىزدىڭ بۇل شارامىز بۇگىنگى حالىقارالىق تۋريزم كۇنىنە ءدال كەلىپ وتىر. وسىنىڭ ءوزى تەگىن ەمەس. بالكي ءبىزدىڭ ءىسىمىز وڭىرىمىزدە ءتۋريزمدى دامىتۋعا ىقپالىن تيگىزەر» دەدى ول. سونىمەن بىرگە رۋسلان الىشەۆ شاراعا قاتىسقان سۋرەتشىلەردىڭ بارىنە وبلىس اكىمى ق.اقساقالوۆتىڭ قۇتتىقتاۋى مەن العىس حاتىن تاپسىردى.
كورمەگە شاراعا قاتىسقان بارلىق سۋرەتشىلەردىڭ 80 ەڭبەگى قويىلىپتى, ولاردىڭ جارتىسى سولتۇستىك قازاقستان مۋزەيىنە سىيعا تارتىلادى.
سولتۇستىك قازاقستان وبلىسى
