بيىلعى ءسامميتتىڭ تاقىرىبى – «وبىر جانە دەنساۋلىق ساقتاۋ قىزمەتتەرىمەن جاپپاي قامتۋ». وبىردى انىقتاۋ, ەمدەۋ جانە كۇتىم كورسەتۋ دەنساۋلىق ساقتاۋ قىزمەتتەرىمەن (UHC) جالپىعا بىردەي قامتۋدى ەنگىزۋ جونىندەگى جاھاندىق امبيتسيانىڭ ءبىر بولىگى رەتىندە قارالاتىن ءارتۇرلى ادىستەرگە شوعىرلاناتىن بولادى.
سامميت جۇمىسىنا قاتەرلى ىسىككە قارسى كۇرەستىڭ 350-دەن استام نەگىزگى كوشباسشىلارى قاتىسادى – بۇل جوعارى لاۋازىمدى الەمدىك كوشباسشىلار, مەملەكەت باسشىلارى, دەنساۋلىق ساقتاۋ مينيسترلەرى, ءبىرىنشى حانىمدار مەن كورولدىك وتباسىلاردىڭ مۇشەلەرى, قوعامدىق دەنساۋلىق ساقتاۋ ۇيىمدارىنىڭ, دۇنيەجۇزىلىك ۇيىمداردىڭ باسشىلارى, سونداي-اق قوعامدىق ۇيىمدار مەن الەمدىك بۇقارالىق اقپارات قۇرالدارىنىڭ وكىلدەرى.
ەلوردادا وتەتىن جاھاندىق جيىنعا UICC پرەزيدەنتى, ونىڭ كورولدىك جوعارى مارتەبەلىسى, يوردانيا حانشايىمى دينا مايرەد, وبىردى زەرتتەۋ جونىندەگى حالىقارالىق اگەنتتىكتىڭ باس ديرەكتورى ەليزابەت ۆايدەرپاسس, ۋرۋگۆاي پرەزيدەنتى – تابارە ۆاسكەس مىرزا, تۇركيا ءبىرىنشى حانىمى – ەمينە ەردوگان, بەليز مەملەكەتىنىڭ ءبىرىنشى حانىمى – كيم سيمپليس بارروۋ, بۋركينا-فاسو مەملەكەتىنىڭ ءبىرىنشى حانىمى – ادجوۆي سيكا كابورە, نيگەريا ءبىرىنشى حانىمى – ايشا بۋحاري, ارمەنيا ءبىرىنشى حانىمى (پرەمەر-ءمينيستردىڭ جۇبايى) – اننا اكوپيان, گەيدار اليەۆ قورىنىڭ ۆيتسە-پرەزيدەنتى, بۇۇ (Fاو) ازىق-ت ۇلىك جانە اۋىل شارۋاشىلىعى ۇيىمىنىڭ (Fاو) ىزگى نيەت ەلشىسى – لەيلا اليەۆا, ەكونوميكالىق ىنتىماقتاستىق جانە دامۋ ۇيىمىنىڭ (وەسر) دەنساۋلىق ساقتاۋ ءبولىم باسشىسى – فرانچەسكا كولومبو سىندى الەمگە ايگىلى تۇلعالار كەلەتىنى ناقتىلاندى.
سونىمەن قاتار, سامميتكە ۆەنگريا, رەسەي, يراك, رۋاندا, شري-لانكا, تاجىكستان, زامبيا جانە الەمنىڭ باسقا دا ەلدەرىنىڭ دەنساۋلىق ساقتاۋ مينيسترلەرى قاتىسادى.
ءسامميتتى ۇيىمداستىرۋعا دۇنيەجۇزىلىك دەنساۋلىق ساقتاۋ ۇيىمىنان باستاپ (ددۇ), اتوم ەنەرگياسى جونىندەگى حالىقارالىق اگەنتتىگى (اەجحا) سونداي-اق, وبىردى زەرتتەۋ جونىندەگى حالىقارالىق اگەنتتىگىمەن (وزجحا) بىرگە وبىردى باقىلاۋ جونىندەگى حالىقارالىق وداعى (UICC) ۇيىتقى بولماق. ءسامميتتى قازاق ونكولوگيا جانە راديولوگيا عىلىمي-زەرتتەۋ ينستيتۋتى قابىلدايدى.
