«دارا جول» باعدارلاماسى فورماتىندا ۇيىمداستىرىلعان جۇزدەسۋگە 10 «D» سىنىبىنىڭ وقۋشىسى كاميلا ورازعاليدىڭ اتاسى ورازعالي وتەۋليەۆ, 10 «ا» سىنىبىنىڭ وقۋشىسى باعدات كۋرەنتاەۆتىڭ اتاسى كۇرەڭتاي ىزبەرگەنوۆ, 10 «س» سىنىبىنىڭ وقۋشىسى نۇربەردى مىرزابايدىڭ اتاسى سايلاۋ قاليەۆ, 12 ء«ى» سىنىبىنىڭ وقۋشىسى جانسايا بالحاەۆانىڭ اتاسى جۇمانۇر بالحاەۆ كەلدى. ولار ءومىر جولدارى, ەل باسىنان وتكەن قيىندىقتار, ۇلتتىق قۇندىلىقتار تۋرالى اڭگىمەلەپ, جاس ۇرپاققا ءبىلىم الۋ, وتاندى ءسۇيۋ, ەل ازاماتى بولۋ سىندى ۇلاعاتتى اڭگىمەلەرىنا ايتىپ, باتا-تىلەكتەرىن جەتكىزدى.
- قارتتارعا قۇرمەت وسىمەن بىتپەك ەمەس. قازاننىڭ بەسى كۇنى «مەيىرىم وسكىنى» وقۋشىلاردىڭ قايىرىمدىلىق توبى ماڭعىستاۋ وبلىستىق قارتتار ءۇيىنىڭ اقساقالدارىنا «Bookcrossing» جوباسى اياسىندا كىتاپتار مەن وسى كۇنگە دەيىن بىرلەسە وتكىزگەن كەزدەسۋلەردەن ەستەلىك البوم سىيلاماق. سونىمەن قاتار, قاريالارمەن كاسپي جاعاسىنا جانە قالا ىشىنە ەكسكۋرسيا جوسپارلانعان, دەيدى وقۋ ورنى باسشىسىنىڭ ورىنباسارى ا.يحسانوۆا.
