سالتاناتتى شاراعا سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى ولجاس بەكتەنوۆ, ەۇۋ رەكتورى ەرلان سىدىقوۆ, م.س.نارىكباەۆ اتىنداعى قازمزۋ رەكتورى تالعات نارىكباەۆ جانە Nur Otan پارتياسى, ءبىلىم جانە عىلىم مينيسترلىگى, نۇر-سۇلتان قالاسى اكىمدىگى, ەلوردانىڭ الماتى اۋدانى اكىمدىگى وكىلدەرى مەن باسقا دا ۇيىم-مەكەمەلەردىڭ جەتەكشى تۇلعالارى قاتىستى.
كەڭسە ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى مەن سىبايلاس جەمقورلىققا قارسى ءىس-قيمىل اگەنتتىگىنىڭ بىرلەسە قول قويعان مەموراندۋمى نەگىزىندە جۇمىس ىستەيدى.
مەموراندۋمعا ەۇۋ رەكتورى ەرلان سىدىقوۆ جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى ولجاس بەكتەنوۆ قول قويدى.
كەڭسەنىڭ مىندەتى – ۋنيۆەرسيتەتتە جەمقورلىققا قارسى جۇمىس جوسپارىنىڭ نەگىزگى باعىتتارىن جۇزەگە اسىرۋ. سونىمەن قاتار كوررۋپتسياعا قارسى ءىس-شارالار جوسپارىنا سايكەس بىرلەسكەن شارالار كەشەنىن ىسكە اسىرۋ, وقۋ ورىندارى قىزمەتىنىڭ اشىقتىعى مەن ايقىندىلىعىن قامتاماسىز ەتۋ, ۋنيۆەرسيتەتتە سىبايلاس جەمقورلىققا توزىمسىزدىك تۋرالى ءتۇسىندىرۋ جۇمىستارىن, سىبايلاس جەمقورلىققا قارسى پروفيلاكتيكالىق ءىس-شارالار جۇرگىزۋ, قۇقىق قورعاۋ ورگاندارىنىڭ ءبىلىم الۋشىلار مەن قىزمەتكەرلەر اراسىندا كەزدەسۋلەرىن ۇيىمداستىرۋ سياقتى فۋنكتسيالاردى اتقارادى.
– ەلباسى جانە پارتيا توراعاسى ن.ءا.نازارباەۆ 2019 جىلى 21 تامىزدا وتكەن Nur Otan پارتياسى ساياسي كەڭەسىنىڭ كەڭەيتىلگەن وتىرىسىندا جوعارى ءبىلىم سالاسىندا جەمقورلىقتى بولدىرماۋ تۋرالى ناقتى تاپسىرما بەرگەن. ال ادالدىق الاڭى – ءومىرىمىز بەن قىزمەتىمىزدىڭ قالىپتى, تابيعي ۇدەرىسىنە اينالۋى كەرەك, – دەدى رەكتور ەرلان سىدىقوۆ.
سونداي-اق ادەپ – ءتارتىپ پەن مادەنيەتتىڭ, جاۋاپكەرشىلىك پەن جاسامپازدىقتىڭ تۇيىسكەن الاڭى بولاتىنىن, بۇل جوبالىق كەڭەس ۋنيۆەرسيتەتتە جەمقورلىققا قارسى جۇمىس جوسپارىنىڭ نەگىزگى باعىتتارىن ايقىنداپ, جۇزەگە اسىراتىنىن جانە سىبايلاس جەمقورلىققا قارسى ءىس-قيمىل اگەنتتىگىمەن بىرلەسە وتىرىپ, كوررۋپتسياعا قارسى ءىس-شارالار جوسپارىن جۇزەگە اسىرۋدى كوزدەيتىنىن جەتكىزدى.
ءوز كەزەگىندە ءسوز العان اگەنتتىك توراعاسىنىڭ ءبىرىنشى ورىنباسارى ولجاس بەكتەنوۆ: «بۇل مەموراندۋم «ادالدىق الاڭى» اياسىنداعى ەۋرازيا ۇلتتىق ۋنيۆەرسيتەتىنىڭ ساپالى جۇمىسىنا سەرپىن بەرەدى دەپ سەنەمىز. ەل بولاشاعى جولىنداعى قىزمەتىمىز جەمىستى, تابىستى بولا بەرسىن», دەدى.
قاتىسۋشىلار ءىس-شارا اياسىندا «جازۋ تاريحى» مۇراجايىن ارالاپ, وقۋ ءۇردىسىن ۇيىمداستىرۋ جانە مونيتورينگ, تىركەۋ-ءوفيسى بولىمدەرىنىڭ, ءبىلىم الۋشىلارعا قىزمەت كورسەتۋ ورتالىعىنىڭ جۇمىسىمەن تانىستى.
«ەگەمەن-اقپارات»
