فوتوسۋرەتتەردى تۇسىرگەن رافحات حالەلوۆ
كەزدەسۋگە باتىس قازاقستان وبلىسى اكىمىنىڭ ورىنباسارى سەرىك ەگىزباەۆ, الەۋمەتتىك ارىپتەستەر, «مەملەكەتتىك, بانك مەكەمەلەرى جانە قوعامدىق قىزمەت كورسەتۋ قىزمەتكەرلەرىنىڭ سالالىق كاسىپتىك وداعى» قوعامدىق بىرلەستىگىنىڭ توراعاسى ميربولات جاقىپوۆ قاتىستى.
- الەۋمەتتىك تۇراقتىلىقتى قامتاماسىز ەتۋ, ەكىجاقتى سەرىكتەستىكتى دامىتۋ ماقساتىندا كاسىپوداقتار مەكەمەلەرمەن تىعىز بايلانىستا جۇمىس جاساۋى قاجەت. كەز كەلگەن ەڭبەك داۋىن مامىلەمەن شەشۋگە بولادى. كەز كەلگەن كەلىسپەۋشىلىك الدىمەن ۇجىم ىشىندە رەتتەلۋى كەرەك. ال كاسىپوداقتار وسى ماسەلەلەردى داۋ-دامايعا جەتكىزبەي, وڭتايلى شەشۋگە تىكەلەي ارالاسىپ, ونى شەشۋ جولدارىن قاراستىرۋى قاجەت. ءبىزدىڭ مىندەتىمىز – كاسىپوداقتىڭ ناقتى جۇمىسىن, ناقتى قول جەتكىزگەن ناتيجەلەرىن كورسەتۋ ارقىلى كاسىپوداقتىڭ بەدەلىن كوتەرۋ - دەدى ەرالى لۇقپان ۇلى.
كەزدەسۋدە كاسىپوداق مۇشەلىگىن ارتتىرۋ, كاسىپوداعى جوق مەكەمەلەر مەن كومپانيالاردا ۇيىم قۇرۋ, ەڭبەك ادامىنىڭ قۇقىعىن قورعاۋ, ولارعا قاۋىپسىز ەڭبەك جاعدايىن جاساۋ, ۇجىمدىق شارتتاردىڭ سانى مەن ساپاسىن ارتتىرۋ سياقتى ماسەلەلەر كوتەرىلدى.
باتىس قازاقستان وبلىستىق كاسىپوداقتار ورتالىعىنىڭ ءتورايىمى ايگۇل ورازقىزى «قازاقستان رەسپۋبليكاسى كاسىپوداقتار فەدەراتسياسىن جاڭعىرتۋ جول كارتاسىنىڭ» وڭىردە جۇزەگە اسۋى جونىندە شولۋ جاسادى. «مەملەكەتتىك, بانك مەكەمەلەرى جانە قوعامدىق قىزمەت كورسەتۋ قىزمەتكەرلەرىنىڭ سالالىق كاسىپتىك وداعى» بقو فيليالىنىڭ توراعاسى س.سۇلەيمەن, «سالالىق مادەنيەت, سپورت جانە اقپارات قىزمەتكەرلەرىنىڭ كاسىپتىك وداعى» قوعامدىق بىرلەستىگىنىڭ بقو فيليالىنىڭ توراعاسى ا.باتىرحانوۆ, «قازاقستاندىق سالالىق ءبىلىم جانە عىلىم قىزمەتكەرلەرى كاسىپتىك وداعىنىڭ وبلىستىق ۇيىمى» بقو قوعامدىق بىرلەستىگىنىڭ توراعاسى م.داۋپاەۆ, «SENIM» دەنساۋلىق ساقتاۋ جۇيەسى جۇمىسكەرلەرىنىڭ سالالىق كاسىپوداعى» رەسپۋبليكالىق قوعامدىق بىرلەستىگىنىڭ بقو فيليالىنىڭ توراعاسى م.قۇسايىنوۆ ءوز سالاسى بويىنشا جىل بويىنا اتقارعان قىزمەتى بويىنشا مالىمەت بەردى.
كەزدەسۋ سوڭىندا توراعا سالالىق جانە جەرگىلىكتى كاسىپوداق ۇيىمدارى توراعالارى كەزدەسۋگە قاتىسۋشىلارمەن پىكىر الماسىپ, وي ءبولىستى. بۇدان كەيىن فەدەراتسيا توراعاسى تۇرعىن ءۇي-كوممۋنالدىق شارۋاشىلىق سالاسىنىڭ 1 مىڭنان استام قىزمەتكەرىن بىرىكتىرەتىن ءىرى مەكەمە – «جايىقجىلۋقۋات» اق باسشىلىعى جانە كاسىپوداق مۇشەلەرىمەن كەزدەستى.
