شارانىڭ كۇن تارتىبىنە قويىلعان تاقىرىپتار سان سالالى ءارى وزەكتى. ول جالپى العاندا, بۇعان دەيىن ەلباسى ءتۇرلى حالىقارالىق الاڭداردا جاريا ەتكەن قازاقستاننىڭ سىرتقى ساياسي باستامالارىمەن تىعىز بايلانىستى. اتاپ ايتساق, كەدەيشىلىكتى جويۋ, ادامي كاپيتالدى جاقسارتۋ, جاhاندىق كليماتتىڭ وزگەرۋى جانە ت.ب. كوكەيكەستى ماسەلەلەر.
تاۋەلسىزدىك جىلدارىندا ەلىمىز تۇڭعىش پرەزيدەنتىمىزدىڭ جوعارى بەدەلى مەن سارابدال ساياساتى ارقاسىندا عالامدىق دامۋ, جاھاندىق قارۋسىزدانۋ مەن ورلەۋدىڭ بەلسەندى جاقتاۋشىسى رەتىندە الەمگە تانىلدى.
ق.توقاەۆتىڭ بۇل جولعى ساپارىنىڭ ماقساتى – قازاقستاننىڭ حالىقارالىق جەتىستىكتەرىن نىعايتا وتىرىپ, ونى قازىرگى جاhاندىق احۋالعا ساي جانداندىرۋ.
ەكىنشى جاعىنان, ق.توقاەۆتىڭ اقش-قا ساپارى قارساڭىندا امەريكالىق The Hill گازەتى جاريالاعان ماقالادا اتاپ وتىلگەندەي, قازاقستان ەكونوميكاسىنا شەتەل كاپيتالىن تارتۋ ماسەلەسىنە زور كوڭىل بولىنبەك.
قازاقستان پرەزيدەنتى ماقالاسىندا «مەن ينۆەستيتسيالىق احۋالدى جاقسارتۋدى جانە ەلىمىزدە بيزنەسىن جۇرگىزىپ وتىرعان حالىقارالىق سەرىكتەستەرىمىز وزدەرىن قاۋىپسىز ءارى جايلى سەزىنگەندەرىن قالايمىن», دەگەن-ءدى.
ەستەرىڭىزگە سالا كەتەيىك, بۇدان بۇرىن قازاقستان رەسپۋبليكاسى ۇكىمەتى الدىنا الداعى 5 جىلدا 30 ملرد اقش دوللارىنان استام قاراجات تارتۋ مىندەتى جۇكتەلگەن بولاتىن. دەمەك, بۇل سالاداعى مەملەكەت باسشىلىعىنىڭ ستراتەگيالىق ۇستانىمدارىن انىقتاۋ تۇرعىسىندا وسىناۋ بەدەلدى حالىقارالىق الاڭدى پايدالانۋ ماڭىزدى.
وسى تۇستا, اقش-تىڭ ىسكەرلىك ورتاسىمەن بايلانىستى كەڭەيتۋگە باعىتتالعان رەسمي ەمەس كەزدەسۋلەرگە ەرەكشە نازار اۋدارىلدى. سونداي-اق اقش-تىڭ ساياسي يستەبليشمەنتى مەن ساراپشىلار قاۋىمداستىعى وكىلدەرىمەن تىكەلەي ديالوگ ۇيىمداستىرىلعانى دا ەلىمىز ءۇشىن ماڭىزدى.
وسى ورايدا, قازاقستان پرەزيدەنتىنىڭ ساپارىن الدىن الا رەسمي قۇلاقتاندىرعان جانە ەلىمىزدىڭ سىرتقى ساياسي باسىمدىقتارى بويىنشا ونىڭ كوزاراستارىن تولىق سيپاتتاعان ماقالاسىنىڭ The Hill اقپاراتتىق رەسۋرسىندا جارىق كورۋى كەزدەيسوق بولعان جوق. اتالعان قۇرال كونگرەسس قىزمەتى جانە جالپى العاندا ۆاشينگتوننىڭ «ۇلكەن ساياساتى» بويىنشا ماماندانعان امەريكانىڭ بەدەلدى ساياسي باسىلىمدارىنىڭ ءبىرى سانالادى. باسىلىمنىڭ نەگىزگى اۋديتورياسى – ساياسي شولۋشىلار مەن ساراپشىلار, لوببيشىلەر مەن شەشىم قابىلداۋ ۇدەرىسىنە قاتىسى بار باسقا دا تۇلعالار.
ەرلان ماديەۆ,
الەمدىك ەكونوميكا جانە ساياسات ينستيتۋتىنىڭ ساراپشىسى
