الەم • 30 قىركۇيەك، 2019

باسقا باسىلىمداردان

18 رەت كورسەتىلدى

قازاقستان پرەزيدەنتى قاسىم-جومارت توقاەۆ بۇۇ باس اسسامبلەياسىنىڭ 74-ءشى سەسسياسى جالپى دەباتتارىنىڭ اشىلۋىنا قاتىسىپ، ءسوز سويلەدى. سەسسيا اسىندا ەكىجاقتى كەزدەسۋلەر وتكىزدى. قازاقستان پرەزيدەنتىنىڭ سويلەگەن سوزىنە، جوعارى دەڭگەيدەگى ەكىجاقتى كەزدەسۋلەرىنە الەمدىك بۇقارالىق اقپارات قۇرالدارى ايرىقشا نازار اۋداردى. سول جاريالانىمداردىڭ بىرقاتارىن «Egemen Qazaqstan» گازەتىنىڭ وقىرماندارىنا ۇسىنىپ وتىرمىز.

ەكى ەل ارىپتەستىگى دامي بەرەدى

مەنافن

قازاقستان پرەزيدەنتى قاسىم-جومارت توقاەۆ بۇۇ باس اسسامبلەياسىنىڭ 74-ءشى سەس­سياسىنىڭ اياسىندا شۆەيتساريا پرەزيدەنتى ۋلي ماۋرەرمەن كەزدەستى.

پرەزيدەنتتەر كۇن تارتىبىندە تۇرعان كوپتەگەن ەكىجاقتى ماسەلەلەردى تالقىلادى. مەملەكەت باسشىسى ق.توقاەۆ قازاقستان-شۆەيتساريا ىنتىماقتاستىعىنىڭ جوعارى دەڭگەيىن اتاپ ءوتتى.

«شۆەيتساريا – ەكىجاقتى ساۋدا مەن ينۆەستيتسيا سالاسىنداعى قازاقستاننىڭ ەۋروپاداعى نەگىزگى سەرىكتەستەرىنىڭ ءبىرى. ءبىزدىڭ ەلدەرىمىز بانك، قۇرىلىس جانە اگرارلىق سەكتورداعى جوبالاردى بەلسەندى تۇردە العا جىلجىتىپ كەلەدى»، دەدى ق.توقاەۆ.

قازاقستان پرەزيدەنتى قارجىلىق قىزمەت كورسەتۋ، ماشينا جاساۋ، حيميا، فارماتسەۆتيكا، اۋىل شارۋاشىلىعى، تاماق ونەركاسىبى جانە تۋريزم سياقتى سالالارداعى بىرقاتار پەرسپەكتيۆالى بىرلەسكەن جوبالارعا نازار اۋداردى.

ءسوز سوڭىندا ق.توقاەۆ شۆەيتساريالىق ارىپتەسىن قازاقستانعا رەسمي ساپارمەن كەلۋگە شاقىردى.

 ءوزىنىڭ ساياسي فورمۋلاسىن ايتتى

اۆيم

قازاقستان پرەزيدەنتى قاسىم-جومارت توقاەۆ ەلدى باسقارۋداعى ءوزىنىڭ ساياسي فورمۋلاسى تۋرالى ايتىپ بەردى.

«قازاقستاننىڭ ساياسي جۇيەسىندەگى فورمۋلام مىناداي: مىقتى ستراتەگيالىق ويلاي بىلەتىن كۇشتى پرەزيدەنت، ىقپالدى پارلامەنت جانە ەسەپ بەرەتىن ۇكىمەت. بۇل تۇجىرىم ەلىمىزدىڭ نەگىزگى قاجەتتىلىگىنە ساي كەلەتىنىنە جانە ونىڭ بەيبىت ءارى تۇراقتى بولاشاعىن قامتاماسىز ەتەتىنىنە نىق سەنىمدىمىن»، دەدى قازاقستان پرەزيدەنتى بۇۇ باس اسسامبلەياسىنىڭ 74-ءشى سەسسياسىندا سويلەگەن سوزىندە.

مەملەكەت باسشىسى قازاقستاننىڭ جاڭا پرەزيدەنتى رەتىندە ەڭ الدىمەن زاماناۋي الەۋمەتتىك مەملەكەت قۇرۋ ماقساتى ەكەنىن باياندادى. «مەنىڭ باستى ماقساتىم – ميلليونداعان قازاقستاندىقتىڭ اۋقىمدى رەفورمالاردىڭ يگىلىگىن كورىپ، مىقتى ەكونوميكاسى، جوعارى ساپالى ءبىلىم بەرۋ جۇيەسى مەن زاماناۋي مەديتسيناسى بار، تەمىر قۇرساۋلاردان ازات قوعامدا ءومىر ءسۇرۋى»، دەدى قازاقستان پرەزيدەنتى.

 بىرلەسكەن شارالارعا ءمان بەردى

كاراۆان

«قازاقستان پرەزيدەنتى قاسىم-جومارت توقاەۆ بۇۇ-نىڭ مىنبەرىندە الەمدى يادرولىق قارۋدان ازات ەتۋگە جانە تەرروريزمگە قارسى بىرلەسكەن شارالاردى قولعا الۋعا شاقىردى. توقاەۆ نيۋ-يوركتە بۇۇ باس اسسامبلەياسىنىڭ 74-ءشى سەسسياسىندا سويلەگەن سوزىندە تەرروريزمگە قارسى كۇرەستەگى ءوز ەلىنىڭ تاجىريبەسىمەن ءبولىستى»، دەلىنگەن اقپاراتتا.

«بارلىعىمىز بىلەتىندەي قاقتىعىستار جويقىن سيپاتقا يە. ولار تەرروريزم مەن ەكسترەميزمنىڭ تۋىنداۋىنا سەبەپشى بولا الادى. بۇل سىن-قاتەرلەردى بۇۇ-نىڭ قولداۋىمەن جاھاندىق لاڭكەستىككە قارسى بىرلەسكەن ارەكەتتەر ارقىلى عانا جەڭۋگە بولادى»، دەدى ق.توقاەۆ.

پرەزيدەنت قازاقستاننىڭ حالىقارالىق سەرىكتەستەرىمەن وتكىزگەن سيرياداعى سوعىس ايماعىنان وتانداستارىن ەلگە قايتارۋعا باعىتتالعان «جۋسان» وپەراتسياسىنىڭ ءساتتى اياقتالعانىن اتاپ ءوتتى. «شارا ناتيجەسىندە تەررورلىق ناسيحاتقا ۇشىراعان قازاقستاننىڭ 595 ازاماتى، ونىڭ ىشىندە 406 بالا سيرياداعى سوعىس ايماعىنان ۇيلەرىنە ورالدى. ءبىز تاجىريبەمىزبەن باسقا ەلدەرمەن بولىسۋگە دايىنبىز جانە ولاردى وسىنداي ارەكەتكە شاقىرامىز»، دەدى ول.

سونداي-اق ق.توقاەۆ مەملەكەتتەر كوشباسشىلارىن يادرولىق قارۋدان ازات الەم قۇرۋعا شاقىردى. «يادرولىق قارۋدان ازات الەمگە قول جەتكىزۋ مەنىڭ ەلىم ءۇشىن باستى باسىمدىق بولىپ قالا بەرەدى. بۇل ۇمتىلىس بىزگە يادرولىق قارۋدى جويۋ جونىندەگى جاھاندىق قوزعالىستىڭ الدىڭعى قاتارىندا بولۋعا مۇمكىندىك بەرە وتىرىپ، قازاق حالقىنىڭ ۇلتتىق بىرەگەيلىگىنىڭ اجىراماس بولىگىنە اينالدى»، دەپ اتاپ ءوتتى پرەزيدەنت.

 ساپارمەن كەلۋگە شاقىردى

ترەند

ازەربايجاندىق Trend اقپارات اگەنتتىگى قازاقستان پرەزيدەنتى قاسىم-جومارت توقاەۆ پەن ۋكراينا پرەزيدەنتى ۆلاديمير زەلەنسكيدىڭ بىرىككەن ۇلتتار ۇيىمىنىڭ نيۋ-يوركتەگى شتاب-پاتەرىندە وتكىزگەن كەزدەسۋىنە نازار اۋداردى.

اقپاراتتا قوس پرەزيدەنت ءبىر-ءبىرىن سايلاۋ ناتيجەلەرىمەن قۇتتىقتاعانى ايتىلعان. قازاقستان پرەزيدەنتى ەكى ەل تاريحىنىڭ ۇقساستىعىن جانە بولاشاعىنىڭ ورتاقتىعىن اتاپ ءوتتى. ول ۋكراينامەن ساياساتتا، ساۋدا مەن ەكونوميكادا ىنتىماقتاستىقتى ودان ءارى كەڭەيتۋگە دايىن ەكەنىن بىلدىرگەن. كەزدەسۋ سوڭىندا ق.توقاەۆ پەن ۆ.زەلەنسكي ءبىر ءبىرىن ءوز ەلدەرىنە ساپارمەن كەلۋگە شاقىردى.

 زاماناۋي ترەندتەردى تالقىلادى

اكي

قاسىم-جومارت توقاەۆ Goldman Sachs كومپانياسىنىڭ پرەزيدەنتى دەۆيد سولومونمەن جانە Eurasia Group كومپانياسىنىڭ پرەزيدەنتى يان برەم­مەرمەن كەزدەستى. كەزدەسۋ بارىسىن­دا Goldman Sachs-تىڭ قازاقستانداعى قىزمەتىنىڭ نەگىزگى باعىتتارى، ونىڭ ىشىندە «استانا» حالىقارالىق قارجى ورتالىعىنىڭ شەڭبەرىندەگى ىنتىماقتاستىق ماسەلەسى تالقىلانعانى ايتىلعان. توقاەۆتىڭ Goldman Sachs كومپانياسىمەن ىنتىماقتاسا وتىرىپ، احقو-مەن ءوزارا ءىس-قيمىل اياسىن كەڭەيتۋ مەن قازاقستاندىق كومپانيالاردىڭ IPO-عا شىعۋىنا جاردەمدەسۋ ماسەلەلەرىندە تىعىز جۇمىس ىستەۋگە نيەت بىلدىرگەنىنە توقتالعان.

Eurasia Group باسشىسىمەن كەزدەسۋدە تاراپتار وڭىرلىك جانە جاھاندىق كۇن تارتىبىندەگى وزەكتى ماسەلەلەر بويىنشا پىكىر الماسىپ، تەحنولوگيالىق دامۋداعى زاماناۋي ترەندتەردى تالقىلاعان. سونداي-اق قاسىم-جومارت توقاەۆ يان برەممەردى Astana Club حالىقارالىق پىكىرتالاس الاڭىنىڭ جۇمىسىنا قاتىسۋعا شاقىرعانى ايتىلعان.

شولۋدى ازىرلەگەن

اباي اسانكەلدى ۇلى،

مەرۋەرت بۇركىتباي،

«Egemen Qazaqstan»

 

سوڭعى جاڭالىقتار

قاۋىپتى ىندەتكە قارسى قامدانىس

كوروناۆيرۋس • بۇگىن، 07:40

ۇلتتىڭ جاڭا بولمىسى

پىكىر • بۇگىن، 07:35

پيك-ءتىڭ ورنىنا – جاڭا ۇيىم

ايماقتار • بۇگىن، 07:27

قاۋىپتى ۆيرۋس شابۋىل جاسادى

تەحنولوگيا • بۇگىن، 07:09

كيبەرقاۋىپسىزدىك تۋرالى مالىمدەدى

تەحنولوگيا • بۇگىن، 07:08

ءبىرى كەتىپ، ەكىنشىسى كەلدى

حوككەي • بۇگىن، 07:00

جاڭا سالماق قوسىلدى

كاسىپقوي بوكس • بۇگىن، 06:59

اققۋلاردان تاراعان اۋرۋ

قوعام • بۇگىن، 06:59

مولدىربۇلاقتىڭ كوزىن اشتى

ايماقتار • بۇگىن، 06:56

مۇنايشىلاردىڭ قامقورلىعى

قوعام • بۇگىن، 06:46

لوماچەنكو-لوپەس: جاستىڭ اتى جاس ەكەن

كاسىپقوي بوكس • بۇگىن، 06:28

جىگىتتەر جۇلقىنىپ تۇر

سپورت • بۇگىن، 06:26

ادامزات اقىل-ويىنىڭ الىبى

رۋحانيات • بۇگىن، 06:22

«ماماندىعىم – قۇتقارۋشى!»

قوعام • بۇگىن، 06:13

ۇقساس جاڭالىقتار