60 كيلو سالماق دارەجەسىندە قوس قانداسىمىز سىنعا تۇسكەن ەدى. ولار – مارلەن ءادىل مەن نۇرسۇلتان زايزاعاليەۆ. ءتورت بىردەي قارسىلاسىن قاپى قالدىرعان ءبىزدىڭ جاس ورەندەر قولا مەدال ءۇشىن ءوزارا تالاستى. بۇل تارتىستا نۇرسۇلتان ۆازاري ادىسىمەن الدا كەلە جاتقان ەدى. الايدا ءۇش ەسكەرتۋ العاندىقتان باسەكە مەرزىمىنەن بۇرىن توقتالىپ, جەڭىس مارلەننىڭ ەنشىسىنە جازىلدى.
66 كيلو سالماقتاعى تىلەگەن تىنارباي العاشقى اينالىمداردا تاجىكستان مەن چەرنوگوريا وكىلدەرىن ۇتقانىمەن, ءۇشىنشى كەزەڭدە برازيليالىق بالۋانعا ەسە جىبەردى. ودان كەيىن ءۇندىستان مەن گرەكيا دزيۋدوشىلارىنا سان سوقتىرىپ, ءۇشىنشى تۇعىرعا تابان تىرەدى.
