جيىننىڭ №48 مەكتەپ-ليتسەيىندە ءوتۋى سەبەپسىز ەمەس. ىرگەلى وقۋ ورداسى اتاۋىن الاش قايراتكەرىنىڭ ەسىمىنە اۋىستىرۋدى تالايدان قوزعاپ كەلەدى. سونىمەن قاتار ۇلت ۇستازىنىڭ شاعىن مۇراجايى دا وسى مەكتەپتە ورىن تەپكەن.
ء«بىز جىل سايىن احمەت بايتۇرسىن ۇلىنىڭ تۋعان كۇنىنە ارنالعان شارالاردى ءداستۇرلى تۇردە وتكىزىپ كەلەمىز. سونىڭ ءبىرى ل.ن. گۋميلەۆ اتىنداعى ەۇۋ بىرلەسە وتكىزىپ جۇرگەن كونفەرەنتسيالار, اقىن شىعارماشىلىعىنا ارنالعان بايقاۋلار جانە وسىنداي كەزدەسۋلەردى ايتا الامىز. مەكتەبىمىزدە احمەتتى تانۋعا ۇمتىلىپ جۇرگەن وقۋشىلار كوپ. ولار جىل سايىن رەسپۋبليكالىق دەڭگەيدەگى جارىستان ورىندار الىپ ءجۇر. ەندىگى ارمانىمىز مەكتەبىمىزگە ۇلت ۇستازىنىڭ ەسىمى بەرىلسە دەيمىز. بۇل ارقىلى ءبىز بالالاردىڭ بويىنا ەلجاندىلىق پەن ۇلتتىق رۋحتى سىڭىرگىمىز كەلەدى», دەدى №48 مەكتەپ-ليتسەي ديرەكتورىنىڭ ورىنباسارى التىن مومىسقىزى.
كەزدەسۋدە ەربول تىلەشوۆ, بەكجان ءابدۋالى, ساعىمباي جۇماعۇل, ۇلان ەركىنباي سىندى الاشتانۋشى عالىم-زەرتتەۋشىلەر مەن اقىننىڭ اتالاس ۇرپاعى ازامات نۇرلان ۇلى وقۋشىلاردىڭ كوكەيتەستى سۇراقتارىنا جاۋاپ بەرىپ, عىلىمي زەرتتەۋلەرىمەن ءبولىستى. ءوز كەزەگىندە وقۋشىلار اقىن شىعارمالارىن جاتقا وقىپ, احمەت بايتۇرسىن ۇلىنىڭ قاناتتى سوزدەرى توپتاستىرىلعان ەستەلىك سىيلىقتى مەكتەپ مۇراجايىنا تارتۋ ەتتى. ال جاس زەرتتەۋشى بازارباي سىمبات قايراتكەر شىعارشىلىعىن زەرتتەۋدى قولعا الىپ, الداعى جۇمىستارى ءۇشىن اعا بۋىندارىنان اقىل سۇراي كەلىپتى. بالعىننىڭ جاس تالابىنا ريزا بولعان ەل اعالارى عىلىم جولىنا ەندى كەلگەن سىمباتتىڭ قادامىنا قۇت تىلەپ, باتالارىن بەردى.
«وسىمەن 3-ءشى رەت وتكىزىلىپ وتىرعان ءىس-شارامىزدىڭ نەگىزگى ماقساتى - ۇلت مۇراتى, مەملەكەتتى قالىپتاستىرۋ جولىندا ەرەن ەڭبەك ەتىپ, قازاق رۋحانياتىنىڭ ادەبيەتى مەن مادەنيەتىنىڭ دامۋىنا ۇلەس قوسقان الاش قايراتكەرلەرىنىڭ تاعىلىمدى جولىن وسكەلەڭ ۇرپاققا ۇلگى-ونەگە رەتىندە جەتكىزۋ, دارىپتەۋ. جوبا «جاستار جىلى» اياسىندا جۇرگىزىلەدى. سونىمەن قاتار «رۋحاني جاڭعىرۋ» ارقىلى ەل مۇراتى حاقىندا, تۇتاستىق پەن بىرلىك ارقىلى ۇلتتىق رۋحتى جاڭعىرتۋعا ۇلەس قوسۋ. بۇعان دەيىنگى وتكەن كەزدەسۋلەرىمىزدىڭ تاقىرىبىن ءاليحان بوكەيحان ۇلىنا, اباي قۇنانباي ۇلىنا ارنادىق. سونىڭ ناتيجەسىندە ءا. بوكەيحان اتىنداعى مۇراجاي اشىلدى, اباي اتامىزدىڭ مەرەيتويى قارساڭىندا مەكتەپكە اتى بەرىلدى. بۇل - ءبىز باعىندىرعان بەلەستىڭ باسى عانا. الداعى ۋاقىتتا دا وسىنداي جيىندارىمىزدى كوبەيتپەكپىز», دەدى «رۋحانيات» كمم باسشىسى ەرجان ەڭسەباي.
شارا سوڭىندا عالىمدار بۇل جيىننىڭ اۋقىمىن كەڭەيتىپ, احمەت تۇرعىسىنداعى زەرتتەۋلەردى كوبەيتۋ جونىندە مامىلەلەستى. سونىمەن قاتار جاستاردىڭ دا تالابىن ۇشتايتىن شارالاردى ۇيىمداستىرۋعا باستاما كوتەردى.
