ءىس-شارانى ۇيىمداستىرۋشىلار: ورتالىق ازيا بۇۇ حالىقارالىق مودەلىنىڭ ۇيلەستىرۋ ورتالىعى, قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى مەن قورى.
ورتالىق ازيا بۇۇ مودەلى – بۇل بۇۇ شەڭبەرىندەگى جاھاندىق يدەيالاردى تالقىلاۋ تارتىبىندە وتكىزىلەتىن حالىقارالىق ۇنقاتىسۋ الاڭى, وندا جوعارى وقۋ ورنىنىڭ ستۋدەنتتەرى مەن مەكتەپ وقۋشىلارى بۇۇ ورگاندارىنىڭ جۇمىسىن كورسەتەدى. ءاربىر وتىرىستىڭ ماقساتى - بەلگىلەنگەن ماسەلەنى تالقىلاۋ, سونداي-اق ءاربىر كوميتەتتىڭ اياسىندا قارار دايىنداپ, قابىلداۋ.
جوبا 2017 جىلى ەلباسى كىتاپحاناسىنىڭ نەگىزىندە « ۇلى دالا ەلى» قوعامدىق بىرلەستىگىمەن بىرلەسە قازاقستان رەسپۋبليكاسىنىڭ بۇۇ-نا مۇشە بولۋىنىڭ 25 جىلدىعى, سونداي-اق, قازاقستاننىڭ بۇۇ قاۋىپسىزدىك كەڭەسىنىڭ 2017-2018 جىلدارى تۇراقتى ەمەس مۇشەلىگىنە سايلانۋ قۇرمەتىنە وراي باستاماشىلىق ەتىلگەن بولاتىن.
2018 جىلى جوبانى قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى قولدادى. ورتالىق ازيا بۇۇ ءى حالىقارالىق مودەلىنە 10 الىس جانە تاياۋ شەت ەلدەردەن 160-تان استام دەلەگات قاتىستى.
بيىلعى جىلى ورتالىق ازيا بۇۇ ءىI حالىقارالىق مودەلى تومەندەگىدەي كوميتەتتەردە وتەدى:
- باس اسسامبلەيا;
- قارۋسىزدانۋ مەن حالىقارالىق قاۋىپسىزدىك جونىندەگى كوميتەت;
- قاۋىپسىزدىك كەڭەسى;
- ادام قۇقىقتارى جونىندەگى كوميتەت;
- ەكونوميكالىق جانە الەۋمەتتىك كەڭەس;
- ايەلدەردىڭ جاعدايى جونىندەگى كوميسسيا;
- يۋنيسەف;
- دۇنيەجۇزىلىك دەنساۋلىق ساقتاۋ ۇيىمى.
ءاربىر كوميتەتتە كوكەيكەستى جاھاندىق جانە وڭىرلىك ماسەلەلەر بويىنشا پىكىرسايىس پەن پىكىرتالاس وتەدى.
كونفەرەنتسيا قاتىسۋشىلارى ەكى كۇن ىشىندە بۇۇ مۇشە مەملەكەتتەردىڭ وكىلەتتى دەلەگاتتارىنىڭ ءرولىن ورىنداپ, سەنىم ءبىلدىرۋشى ەلدىڭ مۇددەسىن قورعايتىن بولادى.
