ۇكىمەت باسشىسى «Digital energy» كورمەسىن قاراپ, يسلانديانىڭ ەكس-پرەزيدەنتى جانە «اركتيكالىق شەڭبەر» حالىقارالىق فورۋمىنىڭ توراعاسى و. ر. گريمسسونمەن كەزدەسۋ وتكىزدى, وندا الماتى وبلىسىندا گەوتەرمالدى ەنەرگەتيكانى دامىتۋ پەرسپەكتيۆاسىن تالقىلادى, سونداي-اق, مۇناي ەكسپورتتاۋشى ەلدەر ۇيىمىنىڭ (وپەك) باس حاتشىسى م. س. باركيندومەن كەزدەسۋدە قازاقستاننىڭ وپەك-پەن ءوزارا ءىس-قيمىل ماسەلەلەرىن تالقىلادى.
فورۋمنىڭ سالتاناتتى اشىلۋ راسىمىندە اسقار مامين قازاقستاننىڭ ءداستۇرلى قۋات كوزدەرىنىڭ تيىمدىلىگى مەن ونىمدىلىگىن ارتتىراتىنىن, سونىمەن قاتار, جاڭارتىلاتىن ەنەرگيا كوزدەرى سالاسىنداعى ايماقتىق كوشباسشى رەتىندە ءوزىنىڭ پوزيتسياسىن جوسپارلى تۇردە نىعايتاتىنىن اتاپ ءوتتى.
«2017 جىلى استانادا ەكسپو كورمەسىن وتكىزگەن ۋاقىتتان بەرى قازاقستان ەكونوميكاعا كەشەندى «جاسىل» شارالاردى ەنگىزۋدە ەلەۋلى جەتىستىكتەرگە قول جەتكىزدى. بۇگىندە ءبىز 3000-نان استام مەگاۆاتتقا دەيىن جاڭارتىلاتىن ەنەرگيا كوزدەرى قورجىنىن كەڭەيتتىك. 2019 جىلدىڭ العاشقى 6 ايىنىڭ وزىندە سەكتورداعى ءوندىرىس 31,7%-عا ۇلعايتىلدى», — دەدى پرەمەر-مينيستر.
ۇكىمەت باسشىسى قازاقستان جىلىنا 90 ملن-عا جۋىق توننا مۇناي وندىرەتىنىن, بۇل ەلىمىزدى 15 ءىرى الەمدىك وندىرۋشىلەردىڭ قاتارىنا قوساتىنىن اتاپ ءوتتى.
ء«بىز 2014 جىلى 14,9 ملن مۇناي وڭدەسەك, 2019 جىلى 17,2 ملن توننا مۇناي وڭدەۋدى جوسپارلاپ وتىرمىز. بۇل بىزگە بىرقاتار مۇناي ونىمدەرىنە دەگەن ىشكى قاجەتتىلىكتەرىمىزدى تولىعىمەن جابۋعا مۇمكىندىك بەرەدى. وسى جىلى تابيعي گاز ءوندىرۋ 55 ملرد تەكشە مەتردەن اسادى دەپ كۇتىلۋدە. قازىرگى قارقىن ساقتالعان جاعدايدا ءبىز 2027 جىلعا قاراي 80 ملرد تەكشە مەتردەن استام وندىرەمىز», — دەدى ا. مامين.
پرەمەر-مينيستر ىسكە اسىرۋ جانە ازىرلەۋ ساتىلارىنداعى قولدا بار جوبالار قورجىنى قازاقستاندى الەمدەگى پوليەتيلەن مەن پوليپروپيلەننىڭ ءىرى ەكسپورتتاۋشىسىنا اينالدىرۋعا ارنالعانىن اتاپ ءوتتى.
«گاز وندىرەتىن جابدىققا سۇرانىستىڭ ارتۋى گاز-حيميا ماشيناسىن جاساۋدا ەلەۋلى جەتىستىكتەرگە اكەلدى. 2016 جىلدان باستاپ 2018 جىلعا دەيىن سالاداعى ءوندىرىس كولەمى شامامەن 40%-عا - 39,4 ملرد-تان 54,8 ملرد تەڭگەگە دەيىن ءوستى, بۇل بۇكىل ەكونوميكا ءۇشىن ءارتاراپتاندىرۋدىڭ ءوسىپ كەلە جاتقان الەۋەتىن كورسەتەدى», — دەپ اتاپ ءوتتى ۇكىمەت باسشىسى.
Kazenergy ەۋرازيالىق فورۋمى ءوزىنىڭ ون جىلدان استام تاريحىندا ايماقتاعى ەنەرگەتيكالىق سەكتوردىڭ باستى حالىقارالىق شاراسىنا اينالدى. فورۋم ەنەرگەتيكالىق نارىققا قاتىسۋشىلار اراسىندا ءتيىمدى ديالوگتى قامتاماسىز ەتۋگە, ەنەرگەتيكالىق جۇيەنى دامىتۋدىڭ وزەكتى ۇردىستەرى مەن باعىتتارىن قاراستىرۋعا باعىتتالعان. اتالعان شارا اياسىندا العا قويىلعان پەرسپەكتيۆالار مەن ستراتەگيالىق باستامالار ەلىمىزدىڭ مۇناي-گاز جانە ەنەرگەتيكالىق كەشەنىنىڭ سەرپىندى جانە تۇراقتى دامۋىنا قولايلى جاعدايلار جاسايدى.
جىل سايىن فورۋمعا الەمنىڭ 50-دەن استام ەلىنەن 2500-دەن استام قاتىسۋشى, ونىڭ ىشىندە 30-دان استام حالىقارالىق ۇيىمدار, سونداي-اق 300-گە جۋىق ءىرى ەنەرگەتيكالىق كومپانيالار كەلەدى.
