سالتاناتتى شارادا ءسوز العان وبلىس اكىمى اماندىق باتالوۆ بۇگىنگە دەيىن تالدىقورعاندا زامان تالابىنا ساي ءىت مەكتەپ سالىنعانىن, بالالاردىڭ روبوتوتەحنيكاعا بەيىمدىلىگىن دامىتۋ باعىتىندا بىرقاتار شارالار اتقارىلعانىن اتاپ ءوتتى. سول سياقتى الداعى ۋاقىتتا ينتەرنەت كوللەدج سالىناتىنىن دا تىلگە تيەك ەتتى.
"بۇگىنگى جاستار وتە العىر, ءتۇرلى وي-يدەيالاردىڭ جوبا-جوسپارىن كومپيۋتەرلىك مۇمكىندىكتەردى قولدانا وتىرىپ جاساۋعا بەيىم. بۇل تۇرعىدا مەن سىرت ەلدەرگە شىققاندا ولاردىڭ زامانعا ساي تەحنولوگيالارمەن جۇمىس ىستەۋ تاجىريبەسىنە نازار اۋدارىپ جۇرەمىن. تاتارستاننان, سينگاپۋردان ءدال وسىنداي ءىت ورتالىقتاردى كوردىم. ەلباسى دا ۇنەمى جاستاردىڭ جاڭاشىلدىعىن قولداۋ, باسەكەگە قابىلەتتى بولۋىنا جاعداي جاساۋ تۋرالى ۇنەمى ايتادى. پرەزيدەنتىمىز قاسىم-جومارت توقاەۆ تا وسى باستامانى ۇزبەي جالعاستىرۋدى تاپسىردى. XXI عاسىر – تسيفرلاندىرۋ عاسىرى. سوندىقتان وبلىس ورتالىعىندا وسىنداي جاڭا مۇمكىندىكتەرگە جول سالاتىن ورتالىق اشۋدى دۇرىس دەپ تاپتىق. Astana Hub تەحنوپاركىنىڭ مىقتى ماماندارى بۇل جوبانى نەبارى ەكى-ءۇش ايدىڭ ىشىندە جۇزەگە اسىردى. ولارعا دا زور العىسىمدى ايتامىن. ەندىگى جەردە استانالىق حاب وكىلدەرى جەتىسۋلىق جاستاردىڭ كاسىبي تۇرعىدا دامۋىنا قولداۋ ءبىلدىرىپ, ءوزارا تىعىز بايلانىستا جۇمىس ىستەيدى دەپ سەنەمىن. جاستار, ورتالىقتىڭ مۇمكىندىكتەرىن بارىنشا پايدالانىڭدار, وقىڭدار, ۇيرەنىڭدەر, ارماندارىڭا قول جەتكىزۋگە قورىقپاڭدار. سوندا بۇكىل الەم قازاقستاندىق بالالاردىڭ دارىندى ەكەنىنە كوز جەتكىزەتىن بولادى, - دەدى ا. باتالوۆ.
Astana Hub ءىت ستارتاپتار حالىقارالىق تەحنوپاركىنىڭ باسقارۋشى ديرەكتورى م. سيحاەۆ تا تىلەگىن ءبىلدىرىپ, جاس ارىپتەستەرىنە قولداۋ بىلدىرۋگە ءازىر ەكەنىن جەتكىزدى.
ورتالىقتىڭ لەنتاسى قيىلىپ, قوناقتار عيمارات ءىشىن ارالاپ كوردى.
قالانىڭ 6-شاعىن اۋدانىنداعى 16 قاباتتى ءۇيدىڭ ءبىرىنشى قاباتىندا ورنالاسقان ورتالىقتا روبوتوتەحنيكا, باعدارلامالاۋ كابينەتتەرى, بالالار ورتالىعى, ەلەكتروندى كىتاپحانا, بيزنەس اكسەلەراتور, لەكتسيا بولمەسى, ءتۇرلى كومپانيالار مەن رەزيدەنتتەردىڭ ءىت ورتالىقتارى جانە ت.ب. ورنالاسقان. الداعى ۋاقىتتا مۇندا كەز كەلگەن جاستاعى ازاماتتاردى ءىت سالاسىنداعى جاڭا تەحنولوگياعا ۇيرەتىپ, وقىتۋشىلاردىڭ بىلىكتىلىگىن ارتتىرۋ, شاعىن جانە ورتا بيزنەسكە قولداۋ كورسەتۋ شارالارى اتقارىلادى. ءىت-ينكۋباتوردا ءتۇرلى شەبەرلىك ساعاتتارى, بيزنەس ترەنينگتەر, حاكاتوندار وتكىزىلەتىن بولادى.
وسىلايشا Jetysu Hub IT ورتالىعى الماتى وبلىسىنداعى اقپاراتتىق تەحنولوگيالار سالاسىندا وقىتۋ مەن كومپانيالاردى ازىرلەۋمەن جانە دامىتۋمەن اينالىساتىن ءبىرىنشى تەحنوپارك بولماق.
