شاراعا «ماڭعىستاۋ» تەلەارناسىنىڭ ءتۇسىرىلىم توبى جانە ارنايى مونيتورينگتىك توپ وكىلدەرى قاتىستى.
اقتاۋ–شەتپە-جەتىباي تاس جولىندا جۇك تاسىمالداۋ نورمالارىنىڭ ساقتالۋىنا باقىلاۋ جۇرگىزۋ بارىسىندا «Shacman F 2000» جانە «Howo» ماركالى كولىكتەردىڭ جۇرگىزۋشىلەرىندە جۇك تاسىمالداۋعا رۇقسات قاعازدارى بولماعاندىعى انىقتالدى.
سونىمەن قاتار, اۋىر جۇك تاسىمالداۋ ءۇشىن رۇقسات ەتىلگەن ماسسا 25 توننا بولسا, تاسىمالداۋشى كولىكتەر 32 جانە 35 تونناعا جۇك تاسىپ جاتقاندىعى انىقتالعان.
وسىعان بايلانىستى, اكىمشىلىك قۇقىق بۇزۋشىلىق كودەكسىنىڭ 71-بابىنىڭ 1-تارماعى جانە 571-بابىنىڭ 6-تارماعىمەن اكىمشىلىك ايىپپۇلدار سالىنىپ, جۇك كولىكتەرى ايىپپۇل اۆتوتۇراعىنا جابىلدى.
الداعى ۋاقىتتا اتالعان جوبا اياسىندا قوعام وكىلدەرىمەن بىرلەسە وتىرىپ, سىبايلاس جەمقورلىق تاۋەكەلدەرىن تومەندەتۋ ماقساتىندا مۇنداي شارالار تۇراقتى جۇرگىزىلەتىن بولادى.
