چەرنوگوريا سكۋپششيناسىنىڭ پرەزيدەنتى ي. برايوۆيچپەن, سولتۇستىك ماكەدونيا اسسامبلەياسىنىڭ توراعاسى ت. دجافەريمەن جانە سلوۆاكيانىڭ ۇلتتىق كەڭەسىنىڭ توراعاسى ا. دانكومەن كەزدەسۋلەردە تۋريستىك, اۋىل شارۋاشىلىعى, كولىك سالالارىندا ىنتىماقتاستىقتى دامىتۋ, سونىڭ ىشىندە بىرلەسكەن وندىرىستەر قۇرۋ جانە بالقان تۇبەگى مەن ورتالىق ەۋروپا ەلدەرىنىڭ قازاقستاننىڭ ترانزيتتىك جانە كولىكتىك الەۋەتىن قىتاي مەن وڭتۇستىك-شىعىس ازيا مەملەكەتتەرىنىڭ نارىقتارىنا شىعۋ ءۇشىن پايدالانۋىن كەڭەيتۋ ارقىلى دامىتۋ ماسەلەلەرى تالقىلاندى.
ومان سۇلتاناتىنىڭ كونسۋلتاتيۆتىك كەڭەسىنىڭ توراعاسى ح. ح. ناسسەر ءال-ماۋاليمەن جانە كاتار مەملەكەتىنىڭ كونسۋلتاتيۆتىك كەڭەسىنىڭ توراعاسى احماد بەن ابداللا بەن زايد ءال-ماحمۇدپەن اڭگىمەلەسۋ بارىسىندا مۇناي-گاز, تاۋ-كەن مەتاللۋرگيا جانە تۋريزم سالالارىنداعى ينۆەستيتسيالىق ىنتىماقتاستىقتى دامىتۋدىڭ ۇلكەن الەۋەتىنىڭ بار ەكەنى اتاپ ءوتىلدى.
نەپال پارلامەنتى وكىلدەرى پالاتاسىنىڭ سپيكەرى كريشنا باحادۋر ماحارامەن وتكەن كەلىسسوزدەردە شىمكەنت قالاسىندا تۋريستىك كلاستەردى دامىتۋ بويىنشا «CG Corp Global» كونگلومەراتىنىڭ ينۆەستيتسيالىق جوبالاردى جۇزەگە اسىرۋ جاعدايى مەن پەرسپەكتيۆالارى تالقىلاندى.
مولدوۆا پارلامەنتىنىڭ توراعاسى ز. گرەچانىيمەن وتكەن كەزدەسۋدە ەكى ەل اراسىنداعى ساۋدا-ەكونوميكالىق جانە ينۆەستيتسيالىق ىنتىماقتاستىققا سەرپىن بەرۋ قاجەتتىگى, ونىڭ ىشىندە ۇكىمەتارالىق كوميسسيانىڭ جۇمىسىن جانداندىرۋ جانە قازاقستان مەن مولدوۆا كاسىپكەرلەرى ءۇشىن بيزنەس-فورۋم ۇيىمداستىرۋ ارقىلى قول جەتكىزۋ اتاپ ءوتىلدى.
