بەلرۋس وكىلى ەلىمىزگە «ۇلكەن ەۋرازيا: ديالوگ. سەنىم. سەرىكتەستىك» دەپ اتالاتىن ەۋرازيا ەلدەرى پارلامەنتتەرى سپيكەرلەرىنىڭ 4-كەڭەسىنە قاتىسۋ ءۇشىن ارنايى كەلگەن.
ءماجىلىس توراعاسى ءوز العىسىن جەتكىزە وتىرىپ, بەلارۋس – قازاقستاننىڭ ماڭىزدى ساياسي جانە ساۋدا-ەكونوميكالىق ارىپتەسى ەكەنىن, ال قازاقستاندىق-بەلارۋستىق, سونىڭ ىشىندە, پارلامەنتارالىق دەڭگەيدە قارىم-قاتىناس جۇيەلى ءارى ناتيجەلى ىنتىماقتاستىقتىڭ ۇلگىسى ەكەنىن ايتتى.
ءوز كەزەگىندە ۆلاديمير اندرەيچەنكو قازاقستاننىڭ تەك قانا ەرۋازيا كەڭىستىگىندە عانا ەمەس, جالپى بەيبىتشىلىكتى, دوستىقتى, كەلىسىمدى نىعايتۋعا زور ۇلەس قوسقانىن ايتتى.
وكىلدەر پالاتاسىنىڭ سپيكەرى قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ, قازاقستان پرەزيدەنتى قاسىم-جومارت توقاەۆتىڭ جانە بەلارۋس پرەزيدەنتى الەكساندار لۋكاشەنكونىڭ جاقىن قارىم-قاتىناستا ەكەنىن اتاپ ءوتتى.
ۆلاديمير اندرەيچەنكو, سونداي-اق, 4-كەڭەس تابىستى وتەتىنىنە سەنىم ءبىلدىردى.
ءماجىلىس توراعاسى ەكى ەلدىڭ قارىم-قاتىناسى ەكىجاقتى, سونداي-اق, ينتەگراتسيالىق بىرلەستىكتەر اياسىندا مۇددەلەر توعىسىمەن تەرەڭدەي بەرەتىندىگىنە توقتالدى.
