«كارى قۇدانى» ەسكە سالا كەلەتىن العاشقى قارا سۋىق سوعىپ كەتكەندە-اق تۇرعىندار ءبۇرىسىپ قالعان. الايدا بيىلعى ميزامشۋاق سىناپ باعاناسىن 20-25 گرادۋسقا كوتەرىپ جىبەردى. سوندىقتان حالىق ازىرگە جىلۋ ىزدەپ, داۋىس كوتەرە قويعان جوق. «كارى قۇدانى» ەسكە سالا كەلەتىن العاشقى قارا سۋىق سوعىپ كەتكەندە-اق تۇرعىندار ءبۇرىسىپ قالعان. الايدا بيىلعى ميزامشۋاق سىناپ باعاناسىن 20-25 گرادۋسقا كوتەرىپ جىبەردى.
سوندىقتان حالىق ازىرگە جىلۋ ىزدەپ, داۋىس كوتەرە قويعان جوق. جىلۋ جۇيەلەرى كاسىپورىننىڭ الدىن الا جاساعان جوباسىنا قاراعاندا وبلىس ورتالىعىنداعى تۇرعىن ءۇي قورىنىڭ 93 پايىزى جىلۋ بەرۋ ماۋسىمىنا دايىن ەكەن. ال بۇل قوردىڭ كولەمى 1086 كوپ قاباتتى ءۇي. سونىڭ 1009-ى, مامانداردىڭ ايتۋىنا قاراعاندا ساقاداي-ساي.
الايدا قالعان ۇيلەردىڭ كەيبىرىندە ءالى دە جىلۋ جۇيەسى تازارتۋدان وتكىزىلمەگەن. «ال مۇندايدان وتپەگەندەر دايىندىق پاسپورتىن الا المايدى, سوندىقتان ولارعا جىلۋ دا بەرىلمەيدى. ءبىز اكىمدىك تاراپىنان ارناۋلى قاۋلى شىققان بويىندا دايىن ۇيلەرگە جىلۋ بەرۋگە ءازىرمىز», دەيدى «پەتروپاۆل جىلۋ جۇيەلەرى» جشس-ءنىڭ باس ينجەنەرى ۆ.حولوشا. سونىمەن بىرگە مامان ءالى دە بەيقام جۇرگەندەردى جىلۋ جۇيەسىن قابىلداۋعا دايىندىقتى تەزىرەك اياقتاۋعا شاقىردى. ءوز سوزىندە باس ينجەنەر جىلۋ بەرۋ كاسىپورنىنىڭ بۇگىنگى جاعدايىنا توقتالىپ, ماۋسىمعا دايىندىق بارىسى تۋرالى دا ايتىپ ءوتتى. توعىزىنشى قىركۇيەككە دەيىن كاسىپورىندا جۇرگىزىلگەن كۇردەلى جانە اعىمدىق جوندەۋلەردىڭ ناتيجەسىندە وبلىس بويىنشا 10,863 شاقىرىم جىلۋ تراسساسى جاڭارتىلعان. ال بۇل بارلىق جۇيەنىڭ 87,9 % دەگەن ءسوز. سونىمەن بىرگە سەرىكتەستىك ءوزىنىڭ 4 عيماراتىن دا جوندەۋدەن وتكىزىپتى.
جىلۋ قۇبىرلارىنىڭ 2,849 شاقىرىمى جوندەلىپ, 43 سورعىش ستانسالاردىڭ جاراقتارى جاڭارتىلعان. ءسويتىپ كاسىپورىن وكىلى قالاعا جىلۋ بەرۋ ىسىندە ەشقانداي كەم-كەتىك بولمايتىنىنا تۇرعىنداردى سەندىرىپ وتىر.سينوپتيكتەردىڭ بولجامىنا قاراعاندا الداعى اپتادا جاۋىن-شاشىن بولىپ, كۇن سۋىتا باستايدى. جىلۋ قابىلداۋعا دايىندىق پاسپورتىن ءالى الماعاندار سوعان دەيىن جەدەل قيمىلداۋى كەرەك-اق.
پەتروپاۆل
