قازاقستان • 23 قىركۇيەك، 2019

جىلىتۋ ماۋسىمىنا دايىندىق پىسىقتالدى

62 رەت كورسەتىلدى

ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا يندۋستريا جانە ينفراقۇرىلىمدىق دامۋ ءمينيسترىنىڭ ءبىرىنشى ورىنباسارى قايىربەك وسكەنباەۆ الداعى جىلىتۋ ماۋسىمىنا دايىندىق بارىسىن باياندادى.

بيىل جىلىتۋ ماۋسىمىنا دايى­ن بولۋ ماقساتىندا مينيسترلىك 2019-2020 جىلدارعا ارنالعان جۇ­مىس جوسپارىن بەكىتتى. سوعان سايكەس وبلىستاردىڭ، نۇر-سۇلتان، الماتى جانە شىمكەنت قالالارىنىڭ اكىم­دىكتەرى 15 قازانعا دەيىن بارلىق نىسان­داردى، سونىڭ ىشىندە ينجەنەرلىك جەلىلەردى، دەربەس قازاندىقتاردى دا­يىن­داپ، حالىقتى جانە كوممۋنالدىق-تۇرمىستىق ۇيىمداردى وتىن قورىمەن قامتاماسىز ەتۋى قاجەت. جوسپارعا ساي، «نۇرلى جول» مەملەكەتتىك باعدار­لاماسى شەڭبەرىندە 37،9 ملرد تەڭگە سو­ماعا جىلۋمەن، سۋمەن جابدىقتاۋ جانە سۋ بۇرۋ بويىنشا 18 جوبا جۇزەگە اسىرىلۋدا.

ينجەنەرلىك ينفراقۇرىلىمدى جىلىتۋ ماۋسىمىنا دايىنداۋ ءۇشىن جوس­­پارلى تۇردە جوندەۋ جۇمىستارى جۇر­گىزىلدى. اتاپ ايتار بولساق، 10 212 دەر­بەس قازاندىق (جوسپاردىڭ 96،1%-ى)، 4،8 مىڭ شاقىرىم جىلۋمەن جابدىقتاۋ جە­لىسى (جوسپاردىڭ 96،2%-ى)، 14،5 مىڭ شاقىرىم سۋمەن جابدىقتاۋ جەلىسى (جوس­پاردىڭ 95،9%-ى) جوندەلدى. قال­عان جۇمىس جىلىتۋ ماۋسىمى باستالعانعا دەيىن اياقتالماق.

2019 جىلعى 16 قىركۇيەكتەگى جاعداي بويىنشا الەۋمەتتىك نىسان­دار­دىڭ جىلىتۋ ماۋسىمىنا دايىن­دىعى ويداعىداي. ءبىلىم بەرۋ نىسان­دارىنىڭ 99،6%-ى، دەنساۋلىق ساقتاۋ نىساندارىنىڭ 98،6%-ى، تۇر­عىن ۇيلەردىڭ 94،9%-ى ساقاداي-ساي.

ق.وسكەنباەۆتىڭ ايتۋىنشا، ال­داعى جىلىتۋ ماۋسىمىندا قاجەت بولاتىن كومىر مولشەرى –10،4 ملن توننا. قازىر 4،9 ملن توننا كومىر دايىن.

كومىر ءوندىرۋشى كومپانيالار وندىرگەن 74،1 ملن توننا كومىردىڭ 50،8 ملن تونناسى ىشكى نارىققا باعىتتالدى. سونىڭ 9،1 ملن تونناسى ەنەرگيا ءوندىرۋشى كاسىپورىندارعا، 4،7 ملن تونناسى وتىن-ونەركاسىپ كاسىپورىندارىنا، 6،9 ملن تونناسى كوممۋنالدىق-تۇر­مىستىق قاجەتتىلىكتەرگە ءبولىندى. ەكسپورت 19،6 ملن توننانى قۇراپ، بىل­تىرمەن سالىستىرعاندا 1،7%-عا اسىپ ءتۇستى.

«وبلىس، قالالار جانە اۋدان اكىمدىكتەرى شىلدە ايىنان باستاپ كومىر دايىنداۋ جۇمىسىن باستادى. ولار تۇراقتى نەگىزدە كومىر جەتكىزۋ مونيتورينگىن جۇرگىزەدى، حالىققا كومىر ساتىلاتىن ورىندار مەن وندا وتىننىڭ بار-جوعى تۋرالى ءتۇسىندىرۋ ءۇشىن جەدەل جەلى قۇردى. سونداي-اق باق-تار مەن الەۋمەتتىك جەلىلەردە جالعان اقپاراتتىڭ تارالۋىنا جول بەرمەۋ جونىندە ءتۇسىندىرۋ جۇمىسىن جۇرگىزىپ جاتىر»، دەدى ءمينيستردىڭ ءبىرىنشى ورىنباسارى.

قازىرگى تاڭدا كوممۋنالدىق قىز­مەت­تەر ءۇشىن تۇتىنۋشىلاردىڭ بەرە­شەگى 11،6 ملرد تەڭگە ەكەن. جوعارى دەبيتورلىق بەرەشەك الماتى قالا­سىندا – 2،7 ملرد تەڭگە، نۇر-سۇل­تان قالاسىندا – 1،7 ملرد تەڭگە، ماڭ­عىستاۋ وبلىسىندا – 1،5 ملرد تەڭگە، شىمكەنت قالاسىندا – 1،3 ملرد تەڭگە.

سوڭعى جاڭالىقتار

قوستانايعا العاشقى قار ءتۇستى

ايماقتار • بۇگىن، 10:02

سالىمشىلارعا 887 پاتەر

ايماقتار • بۇگىن، 09:10

قىسقا دايىندىق تولىق اياقتالدى

ايماقتار • بۇگىن، 07:46

قاجەتتى وتىننىڭ 70%-ى جەتكىزىلدى

ايماقتار • بۇگىن، 07:43

قارسىلاسى اۋىرىپ قالىپتى

سپورت • بۇگىن، 07:38

چەمپيوندار ليگاسى باستالدى

فۋتبول • بۇگىن، 07:36

فرانتسياعا جول ءتۇسىپ تۇر

وقيعا • بۇگىن، 07:33

بوتەنگە سالەم

رۋحانيات • بۇگىن، 07:19

قوس ىشەكتى قوڭىرىم

رۋحانيات • بۇگىن، 07:14

وڭتايلى ينتەگراتسيالانعان جۇيە

ەكونوميكا • بۇگىن، 07:13

نە وقىپ ءجۇرسىز؟

تانىم • بۇگىن، 07:00

ۇقساس جاڭالىقتار