ايماقتار • 22 قىركۇيەك، 2019

قاراعاندىدا ساكەن تويىنا ارنالعان كونتسەرت ءوتتى

70 رەتكورسەتىلدى

كەنشىلەر استاناسىندا ساكەن سەيفۋلليننىڭ 125 جىلدىعىنا ارنالعان شارالار جالعاسىن تابۋدا. سونىڭ ءبىرى رەتىندە ورتالىق ساياباق الاڭىندا اشىق اسپان استىندا وتكەن كونتسەرتتى ايتۋعا بولادى.

مادەني شارانىڭ سالتاناتتى اشىلۋىندا قاراعاندى وبلىسى اكىمىنىڭ ورىنباسارى ابزال نۇكەنوۆ اقىن، مەملەكەت قايراتكەرى ساكەن سەيفۋللين مەرەيتويىنىڭ وڭىرىمىزدە كەڭىنەن اتالىپ جاتقانىن اتاپ ءوتىپ، بۇل شارالاردىڭ تاعلىمدىق، تاربيەلىك ءمان-ماعىناسىنا نازار اۋداردى.

– ءبىزدىڭ جاستارىمىز ۇلگى تۇتۋعا تۇرارلىق ۇلتتىق تۇلعالاردى ءبىلۋى ءتيىس. قيىن-قىستاۋ كەزەڭدە ساكەن اعا قازاق حالقى ءۇشىن كوپتەگەن يگى ىستەردى اتقاردى. ءبارىمىز دە ءىلياس جانسۇگىروۆ، بەيىمبەت مايلين جانە ساكەن سەيفۋللين سياقتى ءۇش الىپ بايتەرەگىمىزدى بىلەمىز. ولار ءبىر ۋاقىتتا ءومىر ءسۇردى، ءبىر جولمەن ءجۇرىپ، ءوز كوزقاراستارى ءۇشىن ومىرلەرىن قيدى. الىپتارىمىز بەكەر قۇربان بولعان جوق – ولاردان كەيىن ەلىمىز بەن حالقىمىز تاۋەلسىزدىك الدى. حالقىنا قالتقىسىز قىزمەت ەتكەن ەرلەردىڭ ازاماتتىق ەرلىكتەرى تۋرالى ەستەلىك پەن العىس ۇرپاقتان ۇرپاققا بەرىلۋى ءتيىس، – دەپ اتاپ ول.

ا

كونتسەرت ەسترادا جۇلدىزدارى باۋىرجان يساەۆ پەن التىناي جوراباەۆانىڭ ورىنداۋىنداعى  ساكەن سەيفۋلليننىڭ «تاۋ ىشىندە» انىمەن اشىلدى. ودان كەيىن قازاقستاننىڭ ەڭبەك سىڭىرگەن ونەر قايراتكەرى بولات ءابدىلمانوۆ ساكەننىڭ «اققۋدان ايىرىلعاندا» پوەماسىن وقىعان كەزدە بي ۇجىمدارى تاماشا حورەوگرافيالىق قويىلىمدى ساحناعا شىعاردى.

ە

سونداي-اق بۇل كەشتە قالا تۇرعىندارى مەن قوناقتارى الدىندا ءانشى مادينا سادۋاقاسوۆا، «اسىل» اسپاپتىق تريوسى، تاتتىمبەت اتىنداعى قازاق اكادەميالىق وركەسترى، فولكلورلىق انسامبلدەر، جەرگىلىكتى تەاترلاردىڭ تانىمال انشىلەرى مەن اكتەرلەرى ونەر كورسەتتى.

ايتا كەتۋ كەرەك، كونتسەرت قاراعاندى وبلىسىنىڭ اكىمدىگى مەن Nur Otan پارتياسىنىڭ قولداۋىمەن ۇيىمداستىرىلدى.

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار