ايماقتار • 22 قىركۇيەك، 2019

ماڭعىستاۋ وبلىسىندا ەپيدەميولوگيالىق جاعداي تۇراقتى

31 رەتكورسەتىلدى

​بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن بريفينگتە ماڭعىستاۋ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ءلاززات ەسەنعاليەۆا مالىمدەدى.

بۇكىل الەمدە يممۋندىق-پروفيلاكتيكا ينفەكتسيالارعا قارسى كۇرەسۋدە ەڭ ءتيىمدى، ۇنەمدى جانە قولجەتىمدى بولىپ تانىلعان. قازاقستان رەسپۋبليكاسىندا 19 ينفەكتسيالىق اۋرۋعا قارسى ۆاكتسيناتسيالاۋ تەگىن جۇرگىزىلەدى. بالالاردى يممۋنداۋ ءۇشىن دۇنيەجۇزىلىك دەنساۋلىق ساقتاۋ ۇيىمى ساپالى ۆاكتسينالار ساتىپ الىنادى.

​وبلىستا وتكەن 2018 جىلى 20088 بالا ءتىرى تۋىلىپ، ونىڭ 19147 (95،3%) بالاسىنا بتسج ەكپەسى پەرزەنتحانالاردا جۇرگىزىلدى. ال 2019 جىلدىڭ 8 ايىندا 13421 بالا ءتىرى تۋىلىپ، 12655 بالاعا بتسج ەكپەسى جۇرگىزىلدى (93،6%).

تۋبەركۋلەزگە قارسى ۆاكتسيناتسيالاۋ بالالاردىڭ اراسىندا تۋبەركۋلەز مەنينگيتى جانە ديسسەميرلەنگەن تۋبەركۋلەز سياقتى تۋبەركۋلەزدىڭ اۋىر جاعدايلارىنىڭ دامۋىنا جول بەرمەۋگە مۇمكىندىك بەردى. 2019 جىلدىڭ سوڭعى 8 ايىنىڭ قورىتىندىسى بويىنشا اسا قاۋىپتى جانە باسقا دا كارانتيندىك ينفەكتسيالار تىركەلمەگەن.

سوڭعى 10 جىلدا تۋبەركۋلەز اۋرۋىنىڭ  كورسەتكىشى وبلىس دەڭگەيىندە بۇگىنگى كۇنمەن سالىستىرعاندا 75،4% (381 جاعدايعا)، ونىڭ ىشىندە جاسوسپىرىمدەر اراسىندا 78،4% (46 جاعدايعا)، بالالار اراسىندا 89،0% (44 جاعدايعا) تومەندەپ وتىر.

بۇل دەرەكتەر بالالاردى ۆاكتسيناتسيالاۋدى قوسا العاندا تۋبەركۋلەز بويىنشا ەپيدەميولوگيالىق جاعدايدى تۇراقتاندىرۋ بويىنشا جۇرگىزىلىپ وتىرعان شارالاردىڭ تيىمدىلىگىن راستايدى.

بىراق، «Japan BCG Laboratory» (جاپونيا) ءوندىرۋشى-زاۋىتى (بتسج) تۋبەركۋلەزگە قارسى ۆاكتسينانى 35 ەلدەن كەرى قايتارىپ الۋىنا بايلانىستى قازاقستاندا تۋبەركۋلەزگە قارسى ۆاكتسيناتسيالاۋ قازىرگى ۋاقىتتا ۋاقىتشا توقتاتىلدى.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار